मुंबई: गेल्या काही महिन्यांपासून सरकारी असो वा खासगी क्षेत्रातील अनेक कंपन्यांमध्ये बंपर भरती प्रक्रिया राबवण्यात येत आहे. तसेच केंद्रातील मोदी सरकारनेही आगामी सुमारे दीड वर्षांत १० लाख रिक्त पदांची भरती करण्याची घोषणा केली आहे. यातच आता मुंबईतील मेट्रोमध्ये काम करण्याची उत्तम संधी इच्छुकांना आहे. मुंबई महानगर प्रदेश विकास प्राधिकरण म्हणजेच MMRDA मध्ये विविध पदांची भरती केली जाणार आहे. यासाठी अधिकृत संकेतस्थळावर नोटिफिकेशन जारी करण्यात आले आहे. या पदांसाठी लागणारी शैक्षणिक अर्हता, वयोमर्यादा, अनुभव, अर्जाची शेवटची तारीख यांचा सविस्तर तपशील देण्यात आला आहे.
MMRDA मध्ये उप. मुख्य अभियंता/अधीक्षक अभियंता, कार्यकारी अभियंता, उप. अभियंता ग्रा. I/ सहाय्यक अभियंता या पदाच्या एकूण १५ रिक्त जागा भरण्यात येणार आहेत. यासाठी अर्ज प्रक्रिया सुरु असून उमेदवारांकडून ऑफलाईन माध्यमातून अर्ज मागविण्यात आले आहेत. पदभरतीसाठी अर्ज करताना उमेदवारांनी रेझ्युमे, दहावी, बारावी आणि शैक्षणिक प्रमाणपत्रं, शाळा सोडल्याचा दाखला, जातीचा दाखला (मागासवर्गीय उमेदवारांसाठी), ओळखपत्र (आधारकार्ड, लायसन्स) आणि पासपोर्ट साईझ फोटो हे दस्तावेज सोबत जोडणे आवश्यक आहे. या पदासाठी आरक्षित वर्गातील उमेदवारांना पदभरती आणि वयोमर्यादेमध्ये सरकारी नियमानुसार सवलत देण्यात येणार आहे.
मेट्रो चीफ इंजिनीअर पदासाठी अर्ज
मेट्रो चीफ इंजिनीअर पदासाठी अर्ज करणाऱ्या उमेदवारांकडे मान्यताप्राप्त विद्यापीठ अथवा शिक्षणसंस्थेतून सिव्हिल इंजिनिअरिंगमध्ये पदवीपर्यंत शिक्षण पूर्ण असणे आवश्यक आहे. तसेच उमेदवारांकडे चीफ इंजिनीअर पदाचा किमान १५ वर्षांचा अनुभव असणे आवश्यक आहे. उमेदवारांना मुंबई मेट्रो प्राधिकरणाने आखून दिलेल्या नियम आणि अटींचे पालन करणे आवश्यक आहे. या पदासाठी निवड झालेल्या उमेदवारांना दरमहा १ लाख ३१ हजार १०० ते २ लाख १६ हजार ६०० रुपये इतका पगार दिला जाणार आहे.
डेप्युटी चीफ इंजीनिअर/ सुप्रिंटेंडींग इंजिनीअर पदासाठी अर्ज
डेप्युटी चीफ इंजीनिअर/ सुप्रिंटेंडींग इंजिनीअर पदासाठी अर्ज करणाऱ्या उमेदवारांकडे मान्यताप्राप्त विद्यापीठ अथवा शिक्षणसंस्थेतून सिव्हिल इंजिनिअरिंगमध्ये पदवीपर्यंत शिक्षण पूर्ण असणे आवश्यक आहे. तसेच डेप्युटी चीफ इंजीनिअर/ सुप्रिंटेंडींग इंजिनीअर पदाचा किमान दहा वर्षांचा अनुभव असणे आवश्यक आहे. उमेदवारांना मुंबई मेट्रो प्राधिकरणाने आखून दिलेल्या नियम आणि अटींचे पालन करणे आवश्यक आहे. या पदासाठी निवड झालेल्या उमेदवारांना दरमहा ७८ हजार ८०० ते २ लाख ९ हजार २०० रुपयांपर्यंत पगार दिला जाणार आहे.
एक्झिक्युटीव्ह इंजिनिअर पदासाठी अर्ज
एक्झिक्युटीव्ह इंजिनिअर पदासाठी अर्ज करणाऱ्या उमेदवारांकडे मान्यताप्राप्त विद्यापीठ अथवा शिक्षणसंस्थेतून सिव्हिल इंजिनिअरिंगमध्ये पदवीपर्यंत शिक्षण पूर्ण असणे आवश्यक आहे. उमेदवारांकडे एक्झिक्युटीव्ह इंजिनीअर पदाचा किमान पाच वर्षांचा अनुभव असणे आवश्यक आहे. उमेदवारांना मुंबई मेट्रो प्राधिकरणाने आखून दिलेल्या नियम आणि अटींचे पालन करणे आवश्यक आहे. या पदासाठी निवड झालेल्या उमेदवारांना दरमहा ६७ हजार ७०० ते २ लाख ८ हजार ७०० रुपयांपर्यंत पगार दिला जाणार आहे.
डेप्युटी इंजिनिअर/ असिस्टंट इंजिनिअर पदासाठी अर्ज
डेप्युटी इंजिनिअर/ असिस्टंट इंजिनिअर पदासाठी अर्ज करणाऱ्या उमेदवारांकडे मान्यताप्राप्त विद्यापीठ अथवा शिक्षणसंस्थेतून सिव्हिल इंजिनिअरिंगमध्ये पदवीपर्यंत शिक्षण पूर्ण असणे आवश्यक आहे. उमेदवारांकडे एक्झिक्युटीव्ह इंजिनीअर पदाचा किमान पाच वर्षांचा अनुभव असणे आवश्यक आहे. उमेदवारांना मुंबई मेट्रो प्राधिकरणाने आखून दिलेल्या नियम आणि अटींचे पालन करणे आवश्यक आहे. या पदासाठी निवड झालेल्या उमेदवारांना दरमहा ५६ हजार १०० ते १ लाख ७७ हजार ५०० रुपयांपर्यंत पगार दिला जाणार आहे.
दरम्यान, उमेदवारांनी आपले अर्ज प्रशासकीय अधिकारी, मुंबई महानगर प्रदेश विकास प्राधिकरण, नवीन इमारत, ८वा मजला, वांद्रे-कुर्ला कॉम्प्लेक्स, वांद्रे (पूर्व), मुंबई – ४०००५१ या पत्त्यावर पाठवायचे आहेत. २१ जून ही अर्ज करण्याची शेवटची तारीख आहे.