संदीप वानखडे, मोताळा : भरधाव दुचाकी आणि भुसावळकडे जात असलेल्या एसटी बसची समाेरासमाेर धडक झाली़ यामध्ये एक युवक जागीच ठार झाला तर एकजण गंभीर जखमी झाला़ ही घटना माेताळा तालुक्यातील मूर्ती फाट्याजवळ ९ मे राेजी दुपारी घडली़ वैभव समाधान गणगे (वय २८ वर्ष, रा. कोथळी) असे मृतकाचे नाव आहे.
कोथळी येथील वैभव समाधान गणगे आणी पलढग येथील राजू सुधाकर बावणे हे दोघे ९ मे रोजी एम.एच. १९ / बी.ए. / १२८७ क्रमांकाच्या दुचाकीने मोताळ्याकडून बुलढाण्याकडे जात होते़ दरम्यान दुपारी अडीच वाजेच्या सुमारास मूर्ती फाट्याजवळील रसवंती जवळ समोरून येणाऱ्या मेहकर येथून भुसावळ कडे जाणाऱ्या एम.एच. ४०/ एन. / ९९४१ क्रमांकाच्या एसटी बसची आणी दुचाकीची समोरासमोर धडक झाली़
या अपघातात दुचाकी चालक वैभव समाधान गणगे या युवकाचा घटनास्थळी मृत्यू झाला तर दुचाकीवर पाठीमागे बसलेला राजू सुधाकर बावणे हा युवक जखमी झाला़ घटनेची माहिती मिळताच बोराखेडी पोलिस ठाण्याचे सहायक पोलिस उपनिरीक्षक राजेश आगाशे, पोकॉ गणेश सूर्यवंशी, सुनील भवटे आणी चालक सहायक पोलिस उपनिरीक्षक शरद खर्चे यांनी घटनास्थळी धाव घेत अपघातातील जखमीला नागरिकांच्या मदतीने उपचारासाठी बुलढाणा येथील सामान्य रुग्णालयात हलविण्यात आले आहे. या प्रकरणी वृत्त लिहिस्ताेवर पाेलिसात गुन्हा दाखल करण्यात आला नव्हता़