लोकमत न्यूज नेटवर्कबुलडाणा: शहरातील चिखली रोडवर ऐडेड हायस्कूल नजीक एका कारचालकाने पादचाऱ्यास उडविल्याने त्याचा मृत्यू झाला तर कारच्या धडकेत आणखी तीन जण जखमी झाले आहेत. दरम्यान यामध्ये दोन पोलिस कर्मचाऱ्यांचाही समावेश असल्याची माहिती आहे. ही घटना ९ मे रोजी सायंकाळी पाच वाजेच्या सुमारास घडली.एमएच-२८-एझेड-२६३२ क्रमांकाच्या कारने एडेड चौक ते छोट्या देवीच्या दरम्यान एका वृद्धास धडक लागली. त्यात वृद्ध जागीच ठार झाल्याची माहिती आहे. मृत व्यक्तीचे नाव मात्र स्पष्ट होऊ शकले नाही. दरम्यान कार अनियंत्रित झाल्यानंतर समोरच असलेल्या पोलिस ठाण्यातील दोन कर्मचारीही या कारखाली येता येता थोडक्यात बचावले. दरम्यान कार चालकाने तेथून पलायन केले केले होते. मात्र त्यानंतर कार चालक शशिकांत गवई स्वत: बुलडाणा शहर पोलिस ठाण्यात हजर झाला. मात्र त्यातस पोलिसांनी बेदम मारहाण केल्याचा आरोप कार चालकाची आई, पत्नी व बहीणीने केला आहे. दरम्यान जखमी कार चालकास बुलडाणा जिल्हा सामान्य रुग्णालयात उपचारासाठी दाखल करण्यात आले आहे. त्यास पाहण्यासाठी नागरिकांनी रुग्णालयात गर्दी केली होती.दुसरीकडे ठाणेदार प्रदीप साळुंके यांना याबाबत विचार केली असता याबाबत अद्याप आमच्याकडे अद्याप माहिती उपलब्ध नाही. रात्री उशिरा या प्रकरणात गुन्हा दाखल होण्याची शक्यता त्यांनी व्यक्त केली.
कारच्या धडकेत १ ठार, तिघे जखमी
By लोकमत न्यूज नेटवर्क | Updated: May 10, 2021 10:12 IST