ठळक मुद्देगजानन शेषराव पवार (३६) यास डॉक्टरांनी मृत घोषित केले.शंकर रामदास राखोंडे हा गंभीर जखमी असून, त्याच्यावर उपचार सुरू आहेत.
लोकमत न्यूज नेटवर्कबुलडाणा: दुचाकी व चारचाकी वाहनाची धडक होऊन झालेल्या अपघातामध्ये एक जण ठार झाल्याची घटना बुलडाणा-दुधा मार्गावर तांदुळवाडी फाट्यानजीक शनिवारी रात्री ८ वाजताच्या सुमारास घडली. दरम्यान, या अपघातात एक जण गंभीर जखमी असून, जिल्हा रुग्णालयात उपचार करण्यात येत आहेत.बुलडाणा-दुधा मार्गावर तांदुळवाडी फाट्यानजीक रात्री हा अपघात घडला. या अपघातात दुचाकीवरील दोन जण गंभीर जखमी झाले होते. त्यांना तातडीने तांदुळवाडी येथील अर्जुन वाणी, बाबुराव वाणी व दुधा येथील विकास इंगळे यांनी जिल्हा सामान्य रुग्णालयात उपचारासाठी दाखल केले; मात्र दुचाकीवरील दोघा गंभीर जखमींपैकी एक असलेल्या गजानन शेषराव पवार (३६) यास डॉक्टरांनी मृत घोषित केले तर मातला येथील शंकर रामदास राखोंडे हा गंभीर जखमी असून, त्याच्यावर उपचार सुरू आहेत.