दुचाकी अपघातात एक ठार; एक जखमी

डोमरूळ: येथील विनेश साहेबराव पडोळ (वय ४३) या तरुण शेतकर्‍याचा चिखली येथील लग्नसमारंभ आटोपून परतताना हॉटेल स्वरंजलीजवळ अपघात होऊन मृत्यू झाल्याची घटना रविवारी रात्री ९.४५ वाजता घडली. या अपघातात एक गंभीर जखमी झाला असून, डोमरूळ गावावर शोककळा पसरली आहे.

ठळक मुद्देचिखलीजवळ झाला अपघात

लोकमत न्यूज नेटवर्कडोमरूळ: येथील विनेश साहेबराव पडोळ (वय ४३) या तरुण शेतकर्‍याचा चिखली येथील लग्नसमारंभ आटोपून परतताना हॉटेल स्वरंजलीजवळ अपघात होऊन मृत्यू झाल्याची घटना रविवारी रात्री ९.४५ वाजता घडली. या अपघातात एक गंभीर जखमी झाला असून, डोमरूळ गावावर शोककळा पसरली आहे.बुलडाणा तालुक्यातील डोमरूळ येथील विनेश साहेबराव पडोळ आणि मनोहर किसन पडोळ हे दोघे चिखली येथील लग्नसमारंभ आटोपून रविवारी रात्री ९:४५ दरम्यान आपल्या मोटारसायकलने परतत असताना समोरून अज्ञात वाहनाने जोरदार धडक दिली. लग्नसमारंभ जवळच असल्यामुळे त्या दोघांना लवकरच दवाखान्यात नेण्यात आले. दोघांच्याही पायाला,  डोक्याला गंभीर इजा झाली असल्यामुळे औरंगाबाद नेत असताना बदनापूरजवळ विनेश पडोळ यांची प्राणज्योत मालावली. त्यांच्या पश्यात एक मुलगा, एक मुलगी, पत्नी, आई, वडील, भाऊ असा आप्त परिवार आहे. विनेश पडोळ यांच्या निधनाची बातमी कळताच गावातील तरुण होतकरू शेतकरी जाण्याने शोककळा पसरली.  या अपघाताची नोंद चिखली पोलीस स्टनेशनला करण्यात आली असून, अज्ञात वाहनचालकाविरोधात गुन्हा दाखल करण्यात आला आहे.