बुलडाणा : येथील जिजामाता प्रेक्षगारमधील अंबिका अर्बन को आॅपरेटीव्हपतसंस्थेच्या कार्यालयाला लागलेल्या आगीत लाखो रूपयांचे नुकसान झालेअसल्याचा प्रकार शुक्रवारी सकाळी उघडकीस आला. कार्यालयात चोरट्यांनी चोरीकरण्याकरिता सीसी कॅमेऱ्याची तार कापण्याचा प्रयत्न करीत असताना सदर आगलागल्याचा अंदाज व्यक्त करण्यात येत आहे.येथील जिजामाता प्रेक्षागारमध्ये अंबिका अर्बन को. आॅपरेटीव्ह पतसंस्थेचेकार्यालय आहे. या कार्यालयात शुक्रवारी रात्री काही चोरटे शिरले. चोरीकरण्याकरिता त्यांनी आधी सीटी कॅमेऱ्यांची तार कापण्याचा प्रयत्न केला.मात्र, यावेळी शॉट सर्कीट झाल्यामुळे आग लागली. या आगीत कार्यालयातील दोनएसी, संगणक, खुर्च्या व महत्वाचे कागदपत्रे जळाली असून, लाखो रूपयांचेनुकसान झाले आहे. या दुकानाच्या वरच्या मजल्यावर असलेल्या आर. ओ. यंत्रविक्रीच्या दुकानात शुक्रवारी रात्री चोरी झाल्याचे शनिवारी सकाळी उघडकीसआले. सदर चोरट्यांनीच अंबिका अर्बनमध्ये चोरी करण्याचा प्रयत्न करीतअसताना सदर आग लागल्याचा अंदाज वर्तविण्यात येत आहे.
अंबिका अर्बन पतसंस्थेतील आगीत लाखोेंचे नुकसान
By admin | Updated: April 14, 2017 13:32 IST