मलकापूर (जि. बुलडाणा) : तालुक्यातील रणथम शिवारात राष्ट्रीय महामार्ग सहावर कंटेनर व ट्रेलर अपघातात एक जण जागीच ठार तर दोन जण गंभीर जखमी झाल्याची घटना ११ रोजी पहाटे ५ वाजेच्या सुमारास घडली. यात आणखी एक जण किरकोळ जखमी झाल्याचे एमआयडीसी पोलिसांनी सांगितले. शैलेशसिंह मोतीसिंह चव्हाण (वय २२) रा.वडोदरा कंटेनर क्र. जी.जे.९/झेड ३७९0 या वाहनाने आपला सहकारी बलवंतसिंह चंदुसिंह जडेजा वय २७ याच्यासोबतच नागपूरकडून गुजरातकडे जात होता. दरम्यान, राष्ट्रीय महामार्ग ६ वर रणथम शिवारात पहाटेच्या दरम्यान विरुद्ध दिशेने येणार्या ट्रेलर क्र.आर.जे.१९/जी.बी. २३0९ ला कंटेनरने जबर धडक दिली. त्यात कंटेनरचालक शैलेशसिंह मोतीसिंह चव्हाण हा जागीच ठार झाला. या अपघातात कंटेनर वाहक बलवंतसिंह चंदूसिंह जडेजा व ट्रेलरचे चालक/मालक लिंबाराम अन्नाराम गुज्जर असे दोघे गंभीर जखमी झाले. त्याचबरोबर ट्रेलरच्या वाहकासही किरकोळ जखम झाली.
कंटेनरच्या धडकेत एक ठार
By admin | Updated: August 11, 2015 23:54 IST