ठळक मुद्देखामगाव-चिखली मार्गावरील घटना
लोकमत न्यूज नेटवर्कखामगाव : खामगाव येथून ढेप घेऊन चिखलीकडे जाणारा ट्रक अपघातानंतर जळून खाक झाल्याची घटना सोमवारी दुपारी गारडगाव-लोखंडा फाट्यावर घडली. ट्रक क्रमांक एमएच ११ एएल ४५९५ हा आज दुपारी शहरातून माल भरुन चिखलीकडे जात असताना गारडगाव-लोखंडा फाट्याजवळ सदर ट्रक अपघातग्रस्त होऊन जागेवरच जळून खाक झाला. वृत्त लिहेपर्यंत सदर ट्रकच्या अपघाताबाबत येथील ग्रामीण पोलिसांकडे कुठलीच तक्रार अथवा माहिती उपलब्ध नव्हती. विशेष म्हणजे रविवारी याच रोडवर हिवरखेड फाट्याजवळ ढेप घेऊन जाणार्‍या एका ट्रकला आग लागली होती. ट्रकला आग लागण्याची ही सलग दुसरी घटना आहे.