- सोहम घाडगेलोकमत न्यूज नेटवर्कबुलडाणा : पंढरपूरला जाणाऱ्या भाविकांसाठी महाराष्ट्र राज्य मार्ग परिवहन महामंडळा (एसटी) कडून जिल्ह्यासाठी चार नवीन मिळाल्या आहेत. शेगाव आणि मेहकर आगाराला प्रत्येकी दोन बस देण्याचा निर्णय घेण्यात आला आहे. शेगाव ते पंढरपूर सेवा सुरु झाली आहे, तर मेहकर आगाराच्या बस लवकरच सेवेत दाखल होणार होणार आहेत. विठाई बससेवेमुळे विठ्ठल भक्तांचा प्रवास आरामदायी होणार आहे.पंढरपुर हे वारकऱ्यांचे तीर्थक्षेत्र म्हणून ओळखले जाते. आषाढी एकादशीनिमित्त दहा लाखांहून अधिक भाविक विठ्ठल दर्शनासाठी पंढरपुरात येत असतात. दररोज हजारो भाविकांची पावले पंढरीकडे वळतात. विठ्ठलभक्तांचा हा ओघ राज्याच्या कानाकोपºयातून सुरू असतो. अनेक भाविक परराज्यातूनही येतात. पंढरीत येण्यासाठी ठिकठिकाणाहून एसटीच्या नियमित बसेससह प्रासंगिक करारावर बस उपलब्ध करून दिल्या जातात. अनेक भाविक खासगी वाहनांने प्रवास करतात. पण अनेकदा त्यांना मार्गावर विविध अडचणींचा सामना करावा लागतो. मुक्काम, जेवणाची गैरसोय होते. ही बाब लक्षात घेऊन महामंडळाने खास पंढरपुरात येणाºया भाविकांसाठी विठाई ही नवीन बससेवा सुरू करण्याचा निर्णय घेतला आहे. महामंडळाचे अध्यक्ष, परिवहन मंत्री दिवाकर रावते यांची ही संकल्पना आहे.विठ्ठल भक्तांचा प्रवास सुखकर व्हावा, या हेतूने विठाई ची रचना आकर्षक बनवली आहे. लाल आणि पांढºया रंगातील विठाई बस उठून दिसते. बसच्या बॉडीवर विठ्ठल आणि वारकरी यांचे चित्र आहे. आरामदायी आसन व्यवस्था जमेची बाजू आहे. हवा खेळती राहावी याकरिता मोठ्या खिडक्या देण्यात आल्या आहेत. इतर बसपेक्षा विठाई बसची उंची जास्त असल्याने प्रवास आरामदायी होईल. रा. प. महामंडळाच्या आधीच्या बस अॅल्युमिनियमच्या होत्या. विठाईसाठी पोलादी पत्र्याचा वापर करण्यात आला आहे. आरामदायक आसने, दोन आपत्कालीन दरवाजे असून एकूण ४२ प्रवाशांसाठी बसण्याची व्यवस्था आहे. २२ पुश बॅक सीट असल्याने वारकºयांचा पंढरपूर तसंच पंढरपूर ते आपल्या गावापर्यंतचा प्रवास आरामदायी होणार आहे. सोबतच प्रासंगिक करार पध्दतीने सध्या जे भाडे आकारले जाते, त्या दरातही ही विठाई बस सेवा पुरविली जाणार आहे. त्यासाठी भाविकांना अगोदर गटागटाने नोंदणी करणं आवश्यक असेल. माफक दरात ही सेवा मिळेल. त्यामुळे खासगी वाहनांकडून होणारी आर्थिक लुटही थांबेल.
बºयाच कालावधीपासून बुलडाणा आगाराला नवीन बस मिळाल्या नव्हत्या. आता चार नवीन विठाई बस मिळाल्या आहेत. त्यामुळे पंढरपूरला जाणाºया विठ्ठल भक्तांची सोय झाली असून एसटीच्या उत्पन्नातही भर पडेल.- संदीप रायलवारविभाग नियंत्रक, रा. प. बुलडाणा.