बुलडाणा जिल्हाधिकारी कार्यालयासमोर चिंचपूर ग्रामस्थांचे उपोषण 

बुलडाणा : खामगाव तालुक्यातील चिंचपूर येथील पाणलोट समितीमार्फत निकृष्ठ दर्जाचे झालेल्या कामाची चौकशी करून कारवाई करण्याच्या मागणीसाठी बाबुलाल लक्ष्मण राठोड व सैय्यद जमीर सैय्यद मलीक यांनी ३ जानेवारीपासून येथील जिल्हाधिकारी कार्यालयासमोर उपोषणास सुरूवात केली आहे.

ठळक मुद्दे पाणलोट समितीमार्फत निकृष्ठ दर्जाचे झालेल्या कामाची चौकशी करून कारवाई करण्याच्या मागणीसाठी  उपोषण  पाणलोट विकास पथक यांच्यावर ४२०चे गुन्हे दाखल करावे यासह इतर मागण्यांसाठी यापूर्वी २२ डिसेंबर २०१७ रोजी निवेदने दिले आहे.

बुलडाणा : खामगाव तालुक्यातील चिंचपूर येथील पाणलोट समितीमार्फत निकृष्ठ दर्जाचे झालेल्या कामाची चौकशी करून कारवाई करण्याच्या मागणीसाठी बाबुलाल लक्ष्मण राठोड व सैय्यद जमीर सैय्यद मलीक यांनी ३ जानेवारीपासून येथील जिल्हाधिकारी कार्यालयासमोर उपोषणास सुरूवात केली आहे. याबाबत दिलेल्या निवेदनात नमूद केले आहे की, चिंचपूर येथे सावता माळी समाज विकास, शैक्षणिक व बहुउद्देशिय मंडळ बुलडाणा  व पाणलोट समितीचे अध्यक्ष व सचिव रा. चिंचपूर यांनी समितीमार्फत राबविण्यात आलेल्या कामात प्रचंड भ्रष्टाचार केलेला आहे. त्यामुळे या कामांची चौकशी करून कारवाई करावी, वसुंधरा एकात्मिक पाणलोट क्षेत्र विकास समिती, चिंचपूर ही समिती बोगस व बनाव दस्तऐवज तयार करून धर्मदाय आयुक्त, बुलडाणा येथे नोंदणी केलेली रद्द करावी, पाणलोट समिती, चिंचपूर या समितीचे अध्यक्ष, सचिव  व पाणलोट विकास पथक यांच्यावर ४२०चे गुन्हे दाखल करावे यासह इतर मागण्यांसाठी यापूर्वी २२ डिसेंबर २०१७ रोजी निवेदने दिले आहे. मात्र या निवेदनाची कोणतीच दखल न घेतल्यामुळे ३ जानेवारी पासून उपोषण सुरू केल्याचे नमूद केले आहे. यावेळी उपोषण मंडपाला राजू नाईक, गोवर्धन राठोड, रामदास जाधव, मोहन भुसांडे, मोहन राठोड, रमेश गवारगुरू आदींनी भेट देवून पाठींबा दिला आहे.