बुलडाणा : जयस्तंभ चौकात अज्ञात वाहनाच्या धडकेत एक ठार

बुलडाणा : स्थानिक जयस्तंभ चौकात अज्ञात वाहनाच्या धडकेत एक ठार झाल्याची घटना ६ फेब्रुवारी रोजी सकाळी उघडकीस आली.

ठळक मुद्देया घटनेमुळे एकच खळबळ उडाली असून घटनास्थळी मोठी गर्दी झाली होती. या घटनेची माहिती मिळताच ठाणेदार जाधव आपल्या पथकासह घटनास्थळी दाखल झाले. मोताळा तालुक्यातील कोऱ्हाळा  बाजार येथील रहिवासी निरंजन सोनुने असे मृतकाचे नाव आहे.

बुलडाणा : स्थानिक जयस्तंभ चौकात अज्ञात वाहनाच्या धडकेत एक ठार झाल्याची घटना ६ फेब्रुवारी रोजी सकाळी उघडकीस आली. या घटनेमुळे एकच खळबळ उडाली असून घटनास्थळी मोठी गर्दी झाली होती. बुलडाणा शहर पोलिस स्टेशनअंतर्गंत येणाऱ्या जयस्तंभ परिसर दिवसा नेहमीच गजबजलेला असतो. मात्र ६ फेब्रुवारी  सकाळी एका व्यक्तीचा मृतदेह आढळल्यामुळे सकाळी मोठ्या प्रमाणात गर्दी झाली होती. या घटनेची माहिती मिळताच ठाणेदार जाधव आपल्या पथकासह घटनास्थळी दाखल झाले. त्यामुळे घटनास्थळाचा पंचनामा करून मृतदेह जिल्हा सामान्य रूग्णालयात शवविच्छेदनासाठी रवाना करण्यात आला. या प्रकरणी तपासाअंती सदर मृतदेह मोताळा तालुक्यातील कोऱ्हाळा  बाजार येथील रहिवासी निरंजन सोनुने याचा असून मानसिक स्थिती ठिक नसल्यामुळे तो बुलडाणा परिसरात कचरा वेचण्याचे काम करीत होता. दरम्यान ५ फेब्रुवारी रोजी रात्री अज्ञात वाहनाच्या धडकेत त्याचा जागीच मृत्यू झाला. याप्रकरणी अधिक तपास ठाणेदार जाधव यांच्या मार्गदर्शनाखाली सुरू आहे.