मेहकर-सिंदखेड राजा मार्गावर अज्ञात वाहनाची आॅटोला धडक; दोन ठार, तीन जखमी

खापरखेड (घुले) : मेहकर-सिंदखेड राजा मार्गावर बिबी गावानजीक अज्ञात वाहनाने आॅटोला  धडक दिल्याने दोन जण ठार झाले असून तीन जण जखमी झाले आहेत.

ठळक मुद्देविनोद तुकाराम शिंदे (२०, रा. सोमठाणा), भगवान अमरसिंग येवले (रा. कारेगाव) हे दोघे ठार झाले आहेत. जखमीपैकी एकास जालना येथे हलविण्यात आले असून अन्य दोघांवर लोणार तालुक्यातील बिबी येथील ग्रामीण रुग्णालयात उपचार करण्यात येत आहे.

खापरखेड (घुले) : मेहकर-सिंदखेड राजा मार्गावर बिबी गावानजीक अज्ञात वाहनाने आॅटोला  धडक दिल्याने दोन जण ठार झाले असून तीन जण जखमी झाले आहेत. जखमीपैकी एकास जालना येथे हलविण्यात आले असून अन्य दोघांवर लोणार तालुक्यातील बिबी येथील ग्रामीण रुग्णालयात उपचार करण्यात येत आहे. हा अपघात ३१ जुलै रोजी पहाटे एक वाजेच्या सुमारास घडला. मृतामध्ये आॅटोतील विनोद तुकाराम शिंदे (२०, रा. सोमठाणा), भगवान अमरसिंग येवले (रा. कारेगाव) हे दोघे ठार झाले आहेत. जखमीमध्ये सुनीता भगवान येवले (कारेगाव), अ‍ॅटो चालक परमेश्वर दिगंबर जाधव (रा. फर्दापूर, ता. मेहकर) आणि शांताराम परसराम निखाडे (३०) यांचा समावेश आहे. निखाडे यांच्या दोन्ही पायांना जबर मार लागल्यामुळे त्यांना जालना येथे हलविण्यात आले आहे. अन्य दोघांवर बिबी ग्रामीण रुग्णालयामध्ये उपचार करण्यात येत आहेत. या अपघात ठार झालेले भगवान अमरसिंग येवले हे आजारी होते. त्यांच्यावर बुलडाणा येथे उपचार करण्यात येत होते. रुग्णालयातील उपचार आटोपल्यानंतर त्यांना घेऊन उपरोक्त व्यक्ती गावाकडे परत जात होते. दरम्यान ३१ जुलैला पहाटे एक वाजेच्या सुमारास अज्ञात वाहनाने त्यांच्या आॅटोला धडक दिली. भगवान येवलेंसह विनोद तुकाराम शिंदे हे दोघे यात ठार झाल्याची माहिती सहाय्यक पोलिस निरीक्षक सचीन यादव यांनी ‘लोकमत’शी बोलताना दिली. या अपघात प्रकरणी बिबी पोलिस ठाण्यात अज्ञात वाहनाच्या चालकाविरोधात पोलिसांनी गुन्हा दाखल केला आहे.