दुसरबीड : समृद्धी महामार्गावर नागपूर कॉरिडोरवर हिवरखेड शिवारात ट्रकने समोरील वाहनाला धडक दिल्याने झालेल्या अपघातामध्ये ट्रकमधील दोघे जण जखमी झोल आहेत. हा अपघात १६ मे रोजी दुपारी साडेबारा वाजेच्या सुमारास घडला. समृद्धीवर चॅनेल क्रमांक ३२५.१ वर नागपूर कॉरिडोरमध्ये हा अपगात घडला. ठाणे येथील एका कंपनीचे साईन बोर्ड घेऊन अंबिकापूरकडे एमएच-०४-एलई-८००३ क्रमांकाचा ट्रक जात होता.
दरम्यान ट्रक चालक राजकुमार यादव (रा. उत्तर प्ररदेश (ह.मु. ठाणे) याला डुलकी लागल्याने त्याच्या ताब्यातील ट्रक समोरील वाहनावर धडकला. यामध्ये आयशर चे मोठ्या प्रमाणात नुकसान झाले असून त्यामधील संबंधित कंनीचा बोर्ड फिटिंग करणारा व्यक्ती वसीम कुरेशी (२५, रा. मुंबई) आणि वाहन चालक राजकुमार यादव हे दोघे जखमी झाले.
अपघाताची माहिती मिळताच मदत कार्यकरणारे पथक व महामार्ग पोलिस घटनास्थळी दाखल झाले. रुग्णवाहिकेमधील डॉक्टर वैभव बोराडे यांनी जखमीवर तत्काळ उपार केले. क्यूआरव्ही पथकाचे हनुमान जायभाये आणि महामार्ग पोलीस विभागातील पोलीस उपनिरीक्षक गजानन उज्जैनकर, पोलिस हेडकॉन्स्टेबल विठ्ठल काळुसे, दानिश देशमुख व अमोल जाधव व त्यांच्या सहकाऱ्यांनी क्रेनच्या सहाय्याने अपघात ग्रस्त वाहन बाजूला केले आणि महामार्गावरील वाहतूक सुरळीत केली. दरम्यान ट्रकने ज्या दुसऱ्या वाहनाला पाठीमागून धडक दिली हे वाहन कोणते होते हे स्पष्ट झालेले नाही.