संदीप वानखडे, मलकापूर पांग्रा, बुलढाणा: समृद्धी महामार्गावर भरधाव कार ट्रकवर आदळल्याने एकाच कुटुंबातील तीन जण ठार तर दाेन जण जखमी झाले़ ही घटना ३१ ऑक्टाेबर राेजी मलकापूर पांग्राजवळ घडली. राजेश दाभाडे (वय ४२),शुभांगी दाभाडे (वय ३२) आणि रियांश राजेश दाभाडे (वय ४) अशी मृतकांची नावे आहेत.
पुणे येथील राजेश दाभाडे यांचे कुटुंब कार क्रमांक एएमच १७ एजे ९१७३ ने अमरावतीकडे हाेत हाेते़ दरम्यान, समृद्धी महामार्गावर चॅनेल क्रमांक ३३४़ ६०० नागपूर काॅरीडाेअवर चालकाचे नियंत्रण सुटल्याने कार ट्रक क्रमांक एमएच २१ बीएच ५९७६ वर आदळली़ ही धडक एवढी भीषण हाेती की, यामध्ये शुभांगी दाभाडे व राजेश दाभाडे हे जागीच ठार झाले़ तसेच रियांश राजेश दाभाडे या चिमुकल्याला सिंदखेड राजा येथे उपचारासाठी नेत असताना वाटेतच त्याचा मृत्यू झाला.
कारमधील समीक्षा राजेश दाभाडे व कार चालक आश्विन धनवरकर हे किरकोळ जखमी झाले आहे़ त्यांना रुग्णवाहिकेमध्ये औषधोपचार देण्यात आला आहे. ट्रक चालक खाजा शेख (रा. जालना याला सिंदखेडराजा) पाेलिसांनी ताब्यात घेतले आहे. अपघाताग्रस्त वाहन रस्त्याच्या बाजुला करून वाहतुक सुरळीत करण्यात आली. जखमींना सिंदखेड राजा व दूसरबीड येथील १०८ रुग्णवाहिकेमधून डॉ. अक्षय विघ्ने, डॉ. वैभव बोराडे चालक शैलेश दळी ,दिगांबर शिंदे यांनि उपचार करत सिंदखेड राजा ग्रामीण रुग्णालयात हलवले. यावेळी बचाव कार्यामध्ये पीएसआय पवार, पोहेका राठोड, पोकॉ किरके, एमएसएफ स्टाफ सिंदखेड राजा नाईक, पाटील यांनी सहकार्य केले.
दाभाडे कुटुंबावर शाेककळा
दिवाळीच्या पर्वात राजेश दाभाडे यांच्या कुटुंबातील तिघांचा मृत्यू झाल्याने या कुटुंबावर शाेककळा पसरली आहे. या अपघात दाभाडे कुटुंबातील पाच वर्षीय बालिका समीक्षा दाभाडे हीच बचावली आहे.