दयाल भोवते
लाखांदूर (भंडारा) : शनिवारी सायंकाळी ७ वाजताच्या सुमारास राष्ट्रीय महामार्गावर दोन दुचाकींची समोरासमोर धडक होऊन झालेल्या अपघातात दोन युवक गंभीर जखमी झाले. ही घटना लाखांदूर ते वडसा मार्गावरील सोनी गावानजीक घडली.
अजय दिगांबर शहारे (२५) व मुकेश देशमुख (२९, दोन्ही रा. सोनी) अशी अपघातातील जखमी युवकांची नावे आहेत. या घटनेत लाखांदूर पोलिसांनी दुचाकी चालक गोवर्धन महादेव कुथे (४८, रा. सोनी यांच्या विरोधात गुन्हा दाखल केला आहे.