कोट्यवधींची नळयोजना तहानलेली

राज्यात भाजपाची सत्ता असताना जिवन प्राधीकरण पाणी पुरवठा योजना सुरु करण्यात आली होती. तालुक्यात पिंपळगाव/को.

लाखांदूर : राज्यात भाजपाची सत्ता असताना जिवन प्राधीकरण पाणी पुरवठा योजना सुरु करण्यात आली होती. तालुक्यात पिंपळगाव/को. येथे कोट्यावधीचा निधी खर्च करुन ९ गावांसाठी पाणी पुरवठा योजना तयार करण्यात आली. मात्र निधी खर्च होवूनही पाणीपुरवठा सुरु होवू शकला नाही. कोट्यावधीची नळयोजना तहानलेली आहे.स्वच्छ व निरोगी पाणी समाजातील प्रत्येक नागरिकांच्या पिण्यासाठी जिवन प्राधिकरण पाणीपुरवठा योजना सुरु करण्यात आली. यासाठी दिघोरी व पिंपळगांव या गांवाची निवड करण्यात आली. यासाठी शासनाने कोट्यावधींचा निधी मंजूर केला. दिघोरी येथील नळयोजना पूर्णत्वास आली. पिंपळगांव येथील नळयोजना निधी खर्च होवूनही कोरडीच आहे. ही नळयोजना बांधकामाला सुरुवात होताना अनेक अडथळे आले. कंत्राटदार बदलले बांधकामाला अडथळा आला. मात्र कंत्राटदाराची देयके रखडली नाही. निधी खर्च झाला मात्र, तालूक्यातील ९ गावांना पाणी पुरवठा होवू शकला नाही. लाखांदूर, मेडघाट, पिंपळगांव, मेंढा, चप्राड, दहेगांव, किन्हाळा, कन्हाळगांव, पूयार या ९ गावांना या योजनेअंतर्गत पाणी पुरवठा होणार होता. मधल्या १० वर्षापासून या ९ ही गावांना स्वतंत्र नळ योजना मंजूर करवून पिण्याच्या पाण्याची व्यवस्था ग्रामीण पाणी पुरवठा योजनेतून करण्यात आल्याने ही जीवन प्राधिकरण योजना रखडली. मात्र निधीची वाट लागली. (तालुका प्रतिनिधी)