सावित्रीच्या लेकींनाे, स्पर्धेत उतरायला शिका

लाखनी तालुक्यातील पिंपळगाव येथील स्नेहा कन्या विद्यालयात आयोजित माँ जिजाऊ व सावित्रीबाई फुले यांच्या जयंती कार्यक्रमानिमित्त ते बोलत होते. अध्यक्षस्थानी मुख्याध्यापिका गीता बोरकर होत्या. कार्यक्रमाला शिक्षिका प्रेरणा कंगाले, प्रियांशी मेश्राम उपस्थित होते. यावेळी चित्रकला स्पर्धेतील अपूर्वा ढेंगे, वैष्णवी वाडीभस्मे, रुचिता रोकडे व निबंध स्पर्धेतील रोहिणी गिरीपुंजे, रवीना रोकडे, चारू दोनोडे, सुहानी कामथे, अचल मडामे, आकांक्षा लांजेवार, गोमती गिरीपुंजे, वैष्णवी वाडीभस्मे यांना प्रमाणपत्र देऊन गौरविण्यात आले. मुख्याध्यापिका गीता बोरकर यांनी सावित्रीबाईंच्या व माँ जिजाऊ यांच्या जीवनकार्यावर माहिती देऊन आजच्या विद्यार्थिनींनी सावित्रीबाईंचे विचार अंगीकारण्याची गरज असल्याचे सांगितले. सावित्रीबाईंनी अत्यंत कठीण काळात दगड-गोटे झेलत स्त्रियांच्या शिक्षणासाठी कार्य केले. संचालन शिक्षिका प्रेरणा कंगाले यांनी केले, तर आभार प्रियांशी मेश्राम यांनी मानले.