पंचायत समितीत नियमबाह्य मासिक सभा

मासिक सभेला नियमानुसारच काम करण्याचा पावित्रा घेतल्यामुळे खंडविकास अधिकाऱ्याने नवीन शक्कल लढवून मासिक सभेच्या हजेरी बुकवर सहीच घेतली नाही. उलट सभापतीवर काही पंचायत समिती सदस्याला हाताशी घेऊन आक्षेप नोंदवून मला सभेतून वाकआऊट करण्यास भाग पाडले. तसेच बीडीओंनी नियमबाह्य मासिक सभा घेतल्याचा आरोप सभापती रोषणा नारनवरे यांनी पत्रकार परिषदेत केला. प्रकरणाची सखोल चौकशी करण्याची मागणी केली आहे.

ठळक मुद्देपत्र परिषदेत आरोप: सभापती असतानाही हजेरी नाही

लोकमत न्यूज नेटवर्कतुमसर : पंचायत समिती तुमसरला मिळालेल्या शेष फंडाच्या निधीचे चुकीचे नियोजन करण्यात आले. परिणामी विकास कामांना खीळ पाडण्याचे काम खंडविकास अधिकाऱ्यांमार्फत होत आहे. मागील सभेच्या प्रोसेडिंग बुकवर सही केली नाही व मासिक सभेला नियमानुसारच काम करण्याचा पावित्रा घेतल्यामुळे खंडविकास अधिकाऱ्याने नवीन शक्कल लढवून मासिक सभेच्या हजेरी बुकवर सहीच घेतली नाही. उलट सभापतीवर काही पंचायत समिती सदस्याला हाताशी घेऊन आक्षेप नोंदवून मला सभेतून वाकआऊट करण्यास भाग पाडले. तसेच बीडीओंनी नियमबाह्य मासिक सभा घेतल्याचा आरोप सभापती रोषणा नारनवरे यांनी पत्रकार परिषदेत केला. प्रकरणाची सखोल चौकशी करण्याची मागणी केली आहे.पंचायत समिती मिळालेल्या शेष फंड निधी अंतर्गत मिळालेल्या रक्कमेचा ५५ टक्के निधी हा दिव्यांग (अपंग) समाज कल्याण व पाणी पुरवठयावर खर्च करणे गरजेचे आहे. असे असताना खंडविकास अधिकारी व लेखाधिकारी यांनी संगनमताने त्या निधी इतरत्र खर्च करून घेतले होते. त्याबाबतची लेखी तक्रार ही मुख्य कार्यपालन अधिकारी व मुख्य वित्त लेखाधिकारी यांच्याकडे केली होती. त्यानुसार चार लोकांचे शिष्टमंडळाने चौकशी करून घेतली त्यात चौकशी अंती शेष फंडाचे नियोजन चुकीचे ठरविण्यात आले होते. या वित्तीय वर्षात तसेच चुकीचे नियोजन करण्यात आल्याने व मागील काळात झालेल्या कामाचे बिल त्या फंडातून देण्यात यावे, यासाठी नियोजन करण्यात आले होते. सदर कामांना निधी उपलब्ध नसतांना प्रशासकीय मान्यता देण्यात आली होती. त्याचे बिल शेष फंडातुन देऊ नये, असा पवित्रा घेतल्याने खंडविकास अधिकाºयाने हेतू पुरस्सर मला मासिक सभा हजेरी बुकवर सही करू दिली नाही व काही पंचायत समिती सदस्याला हाताशी घेऊन माझ्यावर दबाव आणला व मला वाक आऊट करण्यास भाग पाडले. उपसभापतीच्या अध्यक्षतेखाली सभा उरकवून अपंग तसेच महिलांच्या हक्काच्या निधीचा गैरवापर होत असल्याचा आरोप सभापतीनी केला आहे. सदर प्रकरणाची सखोल चौकशी करून तालुक्यातील अपंग, महिला व गरजवंतांकडे न्याय मिळवून देण्याची मागणी त्यांनी ग्रामविकास मंत्री व मुख्य कार्यपालन अधिकारी यांना दिलेल्या निवेदनात त्यांनी केले असल्याचे सांगितले.