भरधाव ट्रॅक्टरची पानटपरीला धडक

अपघातानंतर ट्रॅक्टर चालक घटनास्थळावरुन पसार झाला. ट्रॅक्टर कोणाच्या मालकीचा आहे, ट्रॅक्टरमध्ये भरलेली भिस कोणत्या कामावर नेली जात होती. माती उचलण्याची परवानगी घेतली होती की अनधिकृतपणे माती वाहून नेली जात आहे असे अनेक प्रश्न अजूनही अनुत्तरित आहेत. पोलीस विभाग कोणावर व कोणत्या प्रकारची कार्यवाही करते याकडे जनतेचे लक्ष लागून आहे. तपास पवनी पोलीस करीत आहेत.

ठळक मुद्देदुचाकीचा चुराडा : निमगावची घटना

लोकमत न्यूज नेटवर्कपवनी : निमगाव रोडवरील गोसीखुर्द उजव्या कालव्याच्या पाळीवरून माती शहरातून भरधाव वेगाने जाणाऱ्या ट्रॅक्टर चालकाने बेसावधपणे रस्त्याच्या कडेला असलेल्या पानटपरीला धडक दिली. धडकेत पानटपरी, मोटारसायकल, हातगाडी व उभ्या असलेल्या ट्रॅव्हलचे नुकसान झाले आहे. लॉकडाऊन मुळे नागरिक घरात असल्याने जीवितहानी टळली .उजव्या कालव्याच्या पाळीवरील भिस भरून नगरातून भरधाव वेगाने जात असलेले विना नंबरचे ट्रॅक्टरची धडक रोडच्याकडेला असलेल्या अशोक बोरूले यांच्या मालकीच्या पानटपरीला बसली.तसेच जवळच असलेल्या मोटरसायकल क्र.एम.एच. ३१ ए. एम. २६६३, हातगाडी व लॉकडाऊनमूळे उभ्या असलेली ट्रॅव्हल्स क्र. एम. एच. ४९, ए. टी. ९३१२ ला धडक दिल्याने लाख रुपयाचे नुकसान झाल्याची माहिती आहे.अपघातानंतर ट्रॅक्टर चालक घटनास्थळावरुन पसार झाला. ट्रॅक्टर कोणाच्या मालकीचा आहे, ट्रॅक्टरमध्ये भरलेली भिस कोणत्या कामावर नेली जात होती. माती उचलण्याची परवानगी घेतली होती की अनधिकृतपणे माती वाहून नेली जात आहे असे अनेक प्रश्न अजूनही अनुत्तरित आहेत. पोलीस विभाग कोणावर व कोणत्या प्रकारची कार्यवाही करते याकडे जनतेचे लक्ष लागून आहे. तपास पवनी पोलीस करीत आहेत.