साकोली तालुक्यात अतिवृष्टीने तब्बल ९४ लाखांचे नुकसान

तालुक्यात गत आठवड्यात झालेल्या अतिवृष्टीत ९४ लाख रुपयांचे नुकसान झाल्याचे महसूल विभागाने केलेल्या सर्वेक्षणातून पुढे आले आहे. तालुक्यातील ६५२ घरांची पडझड झाली असून ११९५ हेक्टरवरील शेती पिकाचे नुकसान झाले आहे. शासनाच्या वतीने नुकसानग्रस्तांना तातडीची मदत म्हणून गहू आणि तांदळाचे वितरण करण्यात आले. तर उर्वरीत नुकसान भरपाई शासन नियमानुसार बँक खात्यात जमा होणार आहे.

ठळक मुद्दे६५२ घरांची पडझड : ११९५ हेक्टरवरील पिकांना फटका

संजय साठवणे।लोकमत न्यूज नेटवर्कसाकोली : तालुक्यात गत आठवड्यात झालेल्या अतिवृष्टीत ९४ लाख रुपयांचे नुकसान झाल्याचे महसूल विभागाने केलेल्या सर्वेक्षणातून पुढे आले आहे. तालुक्यातील ६५२ घरांची पडझड झाली असून ११९५ हेक्टरवरील शेती पिकाचे नुकसान झाले आहे. शासनाच्या वतीने नुकसानग्रस्तांना तातडीची मदत म्हणून गहू आणि तांदळाचे वितरण करण्यात आले. तर उर्वरीत नुकसान भरपाई शासन नियमानुसार बँक खात्यात जमा होणार आहे.साकोली तालुक्यात गुरुवारी अतिवृष्टी झाली. जिल्ह्यात सर्वाधिक पाऊस साकोली तालुक्यात नोंदविला गेला. या पावसाने सर्वत्र हाहाकार उडाला होता. साकोली तालुक्यासह अनेक गावे जलमय झाली होती. पुराचे पाणी शिरून घर गोठ्यांचे आणि शेतीचेही नुकसान झाले. महसूल विभागाच्या सर्वेक्षणानुसार अंशत: नुकसान झालेल्यांमध्ये सानगडी १४ घरे, वडद १७, साकोली ४५, बांपेवाडा २०, सासरा ५, कुंभली २५, सेंदूरवाफा ७, उमरी २२, चांदोरी १९, बोदरा २६, गडकुंभली ५, जमनापूर ४, शिवणीबांध २२, वडेगाव १०, एकोडी ७८, परसोडी २४, पळसगाव २६, गोंडउमरी १९, मुंडीपार सडक १९, पिंडकेपार ३५, विरसी ३०, किन्ही मोखे ४७ घरांचे नुकसान झाले. तर पूर्णत: नुकसान झालेल्या घरांमध्ये साकोली १२, जमनापूर १, एकोडी ३७, परसोडी ४, पिंडकेपार २ घरांचा समावेश आहे. वडद येथे दोन गोठे, बांपेवाडा येथे ११, सासरा येथे एका गोठ्याचे नुकसान झाले.साकोली तालुक्यातील किन्ही येथे गावात संपूर्ण पाणी शिरले होते. तर बोदरा येथील तलावाची पाळ फुटल्याने परिसरात पाणी शिरले होते. या पावसामुळे साकोली तालुक्यातील ११९५ हेक्टर शेतीपिकांचे नुकसान झाले आहे.अतिवृष्टीमुळे नुकसान झालेले घर - गोठे आणि शेतीपिकाचे सर्वेक्षण करण्यात येत आहे. शासननिर्णयाप्रमाणे नुकसान भरपाई देण्यात येईल. ही सर्व रक्कम संबंधितांच्या बँक खात्यात जमा होणार आहे.- बाळासाहेब तेडे,उपविभागीय अधिकारी