५६० पैकी ५५९ नमुने निगेटिव्ह

कोरोना संदर्भातील माहिती व जनजागृतीसाठी तयार करण्यात आलेल्या आरोग्य सेतुचा लाभ नागरिक घेत असल्याचे समोर आले आहे. भंडारा जिल्ह्यामध्ये आतापर्यंत ७१९०८ नागरिकांनी आरोग्य सेतु अ‍ॅप डाऊनलोड केले आहे. सोशल मिडीयाच्या माध्यमातून जनजागृती करण्यावरही प्रशासनाने भर दिला आहे. तसेच आरोग्य व उपकेंद्र स्तरावर १०५१ आशांची आरोग्य तपासणी करण्यात आली आहे.

ठळक मुद्देफक्त एकजण पॉझिटीव्ह : ७,०८३ व्यक्तींना केले होमक्वारंटाईन

लोकमत न्यूज नेटवर्कभंडारा : जिल्ह्यात कोरोना विषाणूचा एका रुग्णाला लागण झाल्यानंतर आतापर्यंत तपासण्यात आलेल्या ५६० घशातील स्वॅब नमुन्यांपैकी ५५९ नमुने निगेटिव्ह आले आहेत. तसेच ७०८३ व्यक्तींना होमक्वारंटाईन करण्यात आले आहेत.कोरोना विषाणू प्रतिबंध व जनजागृती अंतर्गत जिल्हा प्रशासन सातत्याने प्रयत्नरत आहेत. इतर जिल्ह्यातून व अन्य राज्यातून आलेल्या व्यक्तींची आरोग्य तपासणी करुन त्यांना होम क्वारंटाईन किंवा नर्सिंग होम क्वारंटाईन करण्यात येत आहेत. आयसोलेशन वॉर्डात सहा व्यक्ती भरती असून आतापर्यंत १८८ जणांना सुटी देण्यात आली आहे. नर्सिंग होस्टेल क्वारंटाईनमध्ये १३ व्यक्ती भरती आहेत. साकोली, तुमसर व मोहाडी तालुक्यातील कोविड केअर सेंटरमध्ये दहा व्यक्ती भरती आहेत. आतापर्यंत ३८० व्यक्तींना हॉस्पीटल क्वारंटाईन मधून सुटी देण्यात आली आहे.७१,९०८ लोकांनी डाऊनलोड केले आरोग्य सेतु अ‍ॅपकोरोना संदर्भातील माहिती व जनजागृतीसाठी तयार करण्यात आलेल्या आरोग्य सेतुचा लाभ नागरिक घेत असल्याचे समोर आले आहे. भंडारा जिल्ह्यामध्ये आतापर्यंत ७१९०८ नागरिकांनी आरोग्य सेतु अ‍ॅप डाऊनलोड केले आहे. सोशल मिडीयाच्या माध्यमातून जनजागृती करण्यावरही प्रशासनाने भर दिला आहे. तसेच आरोग्य व उपकेंद्र स्तरावर १०५१ आशांची आरोग्य तपासणी करण्यात आली आहे.इतर राज्यातून आले २७,५३९ व्यक्तीपुणे, मुंबई व इतर राज्यातून आतापर्यंत २७५३९ व्यक्ती आले आहेत. त्यापैकी २०४५६ व्यक्तींचा २८ दिवसांचा होम क्वारंटाईन पूर्ण झाला आहे. तसेच ७०८३ जणांना होम क्वारंटाईन करण्यात आले आहेत. फल्यू ओपीडी अंतर्गत तिव्र श्वासदाहचे ११४ व्यक्तींना भरती करण्यात आले होते. त्यापैकी १११ व्यक्तींचे घशातील नमुने तपासणीसाठी पाठविण्यात आले होते. त्यातील ११० नमुन्यांचा अहवाल निगेटिव्ह आला आहे.