>> अस्मिता दीक्षित, ज्योतिष अभ्यासक
आपल्या आजूबाजूला अनेक चांगल्या वाईट शक्तींचा वावर असतो आणि त्यातून आपले आयुष्य राजमार्गावर नेण्याचे काम करते ती आपली उपासना. म्हणूनच उपासनेची कास धरावी म्हणजे अनेक फसव्या आणि मोहात टाकणाऱ्या क्षणांपासून आपले संरक्षण होते.
गेल्या आठवड्यात ४ लोकांनी मला संपर्क केला . Fraud in Investment Apps. मोठी गुंतवणूक केली आणि फसवणूक झाली. लक्ष्मी इतकी सहज नाही . कलियुगात राहू हर्शलचे साम्राज्य आहे , त्यांच्या विळख्यात आपण अडकतो आणि अजून हवे अजून हवे अशी मनोधारणा होते, आपल्याही नकळत. कुठे थांबायचे ते समजत नाही. आपल्या मेंदूचा, मनाचा राहू इतका ताबा घेतो की आपल्याही नकळत आयुष्य भराची जमा पुंजी घालवून बसतो.
Swami Samartha: स्वामींच्या नित्य उपासनेसाठी रोज १० मिनिटं राखीव ठेवा, आयुष्यात मोठा बदल घडेल!
आज दोन लाखाचे चार लाख करून देतो वगैरे गोष्टी रोजच्याच आहेत. फसवणूक आता आपल्या आयुष्याचा एक भाग आहे आणि म्हणूनच सतर्क राहिले पाहिजे. मुळात आपण कुठे गुंतवणूक करतो त्यासाठी चौकशी करणे ही तर प्राथमिक बाब आहे. दोन पैसे कमी मिळाले तरी चालतील पण पोस्टात पैसे टाका तिथे सुरक्षित राहतात असे माझे आई बाबा नेहमी सांगत.
आज आपल्याला मोहात पाडणारी अनेक अँप, माध्यमे , गुंतवणूक करणारे अनेक प्लान आणि हे सर्व सांभाळणारी लोक आहेत. पण आपण सतर्क राहिलो तर आपण फसवणुकीपासून नक्कीच वाचू शकतो. आज समाजात वावरताना कान नाक डोळे उघडे ठेवायची गरज आहे. तसे केले नाही तर मग मनस्ताप करण्याची वेळ येते.
Astrology: मंगळाची पत्रिका असेल तर मंगळी जोडीदारच शोधायचा का? शास्त्र सांगते...
मोहाचा एक क्षण आपले आयुष्य उध्वस्त करू शकतो . अशा वेळी काय ग्रहस्थिती असते ती पाहू. मोहात फसणे , कुणाच्या बोलण्याचा विचार न करता गुंतवणूक करणे म्हणजे कुठेतरी पत्रिकेत राहू कार्यरत झालेला आहे. राहूची दशा अंतर्दशा किंवा गोचर राहूचे धन स्थान, अष्टम व्यय किंवा धनेशावरून भ्रमण, मुळ पत्रिकेतील राहू वरून गोचर राहूचे भ्रमण , शनी मंगळा सारख्या पापग्रहांच्या वरून भ्रमण अशी स्थिती असू शकते.
फसवणूक होते तेव्हा मुख्यतः अष्टम आणि व्यय भाव सामील असतात. अष्टमेश मनस्ताप, व्यय भाव हा एकंदरीत व्यय दर्शवते. प्रश्न कुंडली मांडली आणि चंद्र ८, १२ असेल तर संपलच सगळे. पैसे परत मिळणार नाहीत.
यासाठी जागृत राहा, कारण ह्या गोष्टी आता दिवसागणिक वाढतच जाणार आहेत. आपल्या सारख्या सुशिक्षित शिकलेल्या लोकांची फसवणूक होते हे आश्चर्य आहे. कारण पैशाची हाव, शेअर मार्केट हा भूलभुलय्या आहे. दोनाचे चार लाख होतात पण ते स्वप्नात! शेअर मार्केटचा परिपूर्ण अभ्यास असणारेही फसतात तर तुम्ही आम्ही काय ? इंटरनेट , ATM , GPAY ही सगळी राहुचीच भावंडे आहेत. GPAY काय आहे इथून पैसे तिथे जातात पण आपण बघतो का ते, अदृश्य शक्ती काम करतेय. त्यामागे विज्ञान आहे पण त्यातून होणारे फ्रॉडही जास्त आहेत.
Astrology: निर्जला एकादशीला या वर्षातला सर्वात मोठा राजयोग, पाच राशींना घसघशीत लाभ!
शेअर मार्केटमध्ये अनेक धनी झाले आहेत, पण त्यांनी वर्षानुवर्ष अभ्यास केला आहे. एका रात्रीत श्रीमंत झालेले नाही ते. सगळे झटपट हवे म्हणणाऱ्यांची मग अशीच अवस्था होते . गेल्या जन्माचे ऋण फेडायचे म्हणून बुद्धी होते तशी आणि मग जातात पैसे .
वेळीच सावध व्हा. आपल्या मुलांचे आपले भविष्य सुरक्षित करा. आज जिथे तिथे फसवणूक आहे, सतर्क राहा आणि इतरांनाही सतर्क करा. आपले अनुभव शेअर करा. गुंतवणूक करताना काळजी घ्या . म्हणूनच प्रत्येकाने आपली पत्रिका थोडीतरी समजून घेतली तर भविष्यातील संभाव्य धोके टाळता येतील. यासाठी सुरुवात उपासनेने आणि सावधान होण्यापासून करा!
संपर्क : 8104639230