बीड : राष्ट्रवादी काँग्रेस पक्षाचे सरचिटणीस माजी आ.आमरसिंह पंडीत यांच्या पुतण्याचा विवाह सोहळा शिर्डी येथे आयोजित केला होता. यावेळी बीडचे आमदार संदीप क्षीरसागर यांनी केलेला भन्नाट डान्सचा व्हिडीओ व्हायरल झाला आहे.
या शाही विवाह सोहळ्याला राजकीय, सामाजिक, धार्मिक आदी क्षेत्रातील मान्यवर उपस्थित होते. याच सोहळ्यात बीड मतदार संघाचे आमदार संदीप क्षीरसागर यांनीही हजेरी लावली होती. यावेळी बँजोवरील 'वर ढगाला लागलीय कळं...पाणी थेंब थें गळं... ' व 'मैं हू डॉन' या गाण्यावर त्यांनी डान्स केला. यावेळी जि.प.चे माजी अध्यक्ष विजयसिंह पंडीतही उपस्थित होते. आमदारांनी डान्स केलेला एक व्हिडीओ राष्ट्रवादीच्याच पदाधिकाऱ्यांनी सोशल मिडीयावर व्हायरल केला आहे. यापूर्वीही आ.क्षीरसागर यांनी विविध कार्यक्रमात डान्स केत्याचे व्हिडीओ व्हायरल झालेले आहेत.