तिहेरी हत्याकांड; आरोपींना ५ दिवस पोलीस कोठडी

२७ जुलै रोजी शेतीच्या वादातून तीन सख्ख्या भावांचा खून करण्यात आला होता. यातील आरोपी किसन व त्याची दोन मुले डॉ. सचिन व अ‍ॅड. कल्पेश पवने यांना पुन्हा पाच दिवसांची पोलीस कोठडी न्यायालयाने शनिवारी सुनावली आहे.

बीड : २७ जुलै रोजी शेतीच्या वादातून तीन सख्ख्या भावांचा खून करण्यात आला होता. यातील आरोपी किसन व त्याची दोन मुले डॉ. सचिन व अ‍ॅड. कल्पेश पवने यांना पुन्हा पाच दिवसांची पोलीस कोठडी न्यायालयाने शनिवारी सुनावली आहे.शहराजवळील वासनवाडी शिवारात शेतीच्या वादातून दिलीप, किरण व प्रकाश पवने यांची त्यांच्याच सख्खा भाऊ व पुतण्यांनी मिळून निर्घृण हत्या केली होती. त्यानंतर पोलिसांनी आरोपी किसन व त्याच्या दोन मुलांना अटक करुन कोर्टात हजर केले. त्यावेळी ३ आॅगस्टपर्यंत पोलीस कोठडी सुनावली होती. त्यानंतर शनिवारी पुन्हा न्यायालयात हजर केल्यानंतर बीडचे दुसरे प्रथम वर्ग न्या. चिंतामण शेळके यांनी ८ आॅगस्टपर्यंत पोलीस कोठडीत वाढ केली आहे. दरम्यान, पोलिसांनी सात दिवसांच्या पोलीस कोठडीची मागणी केली होती. मात्र, न्यायालयाने पाच दिवसांची कोठडी मंजूर केली.