बीड जिल्ह्यातील सहा मतदारसंघांमध्ये ११५ उमेदवार रिंगणात

विधानसभा निवडणुकीसाठी उमेदवारी अर्ज मागे घेण्याचा सोमवार अंतिम दिवस होता. यावेळी सहा विधानसभा मतदारसंघात छानणीनंतर २०२ उमेदवारी अर्ज वैध ठरले होते.

ठळक मुद्देविधानसभा रणधुमाळी : ८७ जणांची माघार - जिल्हाधिकारी

बीड : विधानसभा निवडणुकीसाठी उमेदवारी अर्ज मागे घेण्याचा सोमवार अंतिम दिवस होता. यावेळी सहा विधानसभा मतदारसंघात छानणीनंतर २०२ उमेदवारी अर्ज वैध ठरले होते. पैकी ८७ उमेदवारांनी माघार घेतली असून, ११५ उमेदवार निवडणुकीच्या रिंगणात उतरले आहेत. निवडणुकीच्या अनुषंगाने प्रशासनाची तयारी पूर्ण झाली असल्याची माहिती जिल्हाधिकाऱ्यांनी पत्रकार परिषदेत सांगितले.यावेळी निवडणूक उपजिल्हाधिकारी प्रवीण धरमकर, जिल्हा माहिती अधिकारी संप्रदा बीडकर यांची उपस्थिती होती.पुढे बोलताना जिल्हाधिकारी आस्तिककुमार पाण्डेय म्हणाले, सहा विधानसभा मतदारसंघासाठी तीन निवडणूक निरीक्षकांची नियुक्ती करण्यात आली आहे. गेवराई व माजलगाव - सारादिंदु चौधरी, बीड व आष्टी - प्रांजल यादव, केज व परळी - इस्त्राईल इंगटी तसेच पोलीस निरीक्षक म्हणून बाबूलाल मीना यांचा समावेश आहे. नागरिकांना निवडणुकीसंदर्भात काही अडचणी किंवा तक्रार असेल तर त्यांच्याशी संपर्क करु शकतात. २१ आॅक्टोबर रोजी मतदानादिवशी सुटी जाहीर आहे. नागरिकांनी लोकशाहीच्या सर्वात मोठ्या उत्सवात सहभागी होऊन हक्क बजवावा, असे आवाहन जिल्हाधिकारी पाण्डेय यांनी केले.छाननीनंतरची अंतिम उमेदवार संख्यामतदारसंघ           वैध अर्ज       माघार       अंतिमगेवराई                    28               9              19माजलगाव               56             31              25बीड                       51               1 7               34आष्टी                      24               15                 9परळी                     28               12              16केज                        15                 3              12एकूण                     202           87              115