शहरं
Join us  
Trending Stories
1
अमेरिकेवर संकट! उन्हाळी कँपिंगला गेलेल्या, २८ लहान मुली बुडाल्या; ४५ मिनिटांत २६ फूट पाणी वाढले...
2
चांगली बातमी! राज्यात सरासरीच्या ९९% पाऊस; कोकण, नाशिक, पुणे आणि अमरावती विभागात जाेरदार जलधारा
3
Horoscope Today: आजचे राशीभविष्य- ०८ जुलै २०२५, मनासारखे यश मिळेल, अपूर्ण कामे पूर्ण होतील!
4
रशियाचा युक्रेनवर पुन्हा मोठा हल्ला, ११ ठार, ८० हून अधिक जखमी; रशियन मंत्र्याचाही मृत्यू
5
मनसेचे नेते अविनाश जाधव यांना पोलिसांनी घेतलं ताब्यात, पहाटे ३ वाजता कारवाई
6
मराठी माणसांना आम्ही पोसतोय, महाराष्ट्र आमच्या पैशांवर जगतो; भाजपा खासदारानं उधळली मुक्ताफळे
7
देशातील प्रत्येक भाषा ही राष्ट्रीय भाषा, प्राथमिक शिक्षण मातृभाषेतच हवे; संघाची भूमिका
8
२५ कोटी कर्मचारी करणार उद्या देशव्यापी संप; सरकारी धोरणांचा विरोध करण्यासाठी भारत बंदची हाक
9
ऑफिसच्या वेळा बदला, लोकलची गर्दी कमी करा; ८००  कार्यालयांना मध्य रेल्वेचे विनंतीपत्र
10
कोर्लई समुद्रात संशयित बोट?; कोस्ट गार्ड, नेव्हीच्या हेलिकॉप्टरने घेतला शोध, हाती काही नाही
11
कुजबुज: महायुतीच्या चर्चेचे किलकिले दार; शिंदेसेनेची भूमिका अन् राज ठाकरेंचे 'ते' आदेश
12
डॉ. नरेंद्र जाधव समिती रद्द करा, दादा भुसेंना हटवा; शालेय शिक्षण अभ्यास व कृती समितीची मागणी
13
पर्यूषण काळात कत्तलखान्यांना बंदी घातली तर इतर समुदायांचाही मार्ग मोकळा होईल? - उच्च न्यायालय
14
वर्सोवा-घाटकोपर मेट्रोवर लवकरच ६ डब्यांची गाडी?; अतिरिक्त डबे खरेदीसाठी मागितली परवानगी
15
मुंबई विमानतळावर गांजा, सोने, प्राण्यांच्या तस्करीचा पर्दाफाश; आतापर्यंत ४ जणांना अटक
16
या फ्रँचायझीने दिले जास्त पैसे; लखनौ सुपर जायंट्सचा दिग्वेश राठी आता या संघातून खेळणार
17
“सत्ता हे भाजपाचे ध्येय नव्हते, ठाकरे बंधू एकत्र आल्याचा काही परिणाम नाही”: सुधीर मुनगंटीवार
18
"आयुष्यात कधीही कोणावर प्रेम करू नका..."; इन्स्टावर लाईव्ह येत तरुणाने संपवलं जीवन
19
“वाद निर्माण करायला निशिकांत दुबेंचे विधान, हिंदी सक्तीचा फतवा रेशिमबागेतून”; काँग्रेसची टीका
20
उपमुख्यमंत्री अजित पवारांचे केंद्रीय मंत्री नितीन गडकरींना पत्र; केली मोठी मागणी, म्हणाले...

साहेब! कोरोनाने नव्हे, तर पीपीई कीटने मरू...

By लोकमत न्यूज नेटवर्क | Updated: March 29, 2021 04:19 IST

सोमनाथ खताळ बीड : कोरोनापासून बचाव व्हावा, यासाठी कोरोनाबाधित रुग्णांवर उपचार करणाऱ्या डॉक्टर, कर्मचाऱ्यांसाठी पीपीई कीट आहेत. परंतु, सध्या ...

सोमनाथ खताळ

बीड : कोरोनापासून बचाव व्हावा, यासाठी कोरोनाबाधित रुग्णांवर उपचार करणाऱ्या डॉक्टर, कर्मचाऱ्यांसाठी पीपीई कीट आहेत. परंतु, सध्या याच कीट त्यांच्यासाठी त्रासदायक ठरू पाहत आहेत. खराब कीटमुळे हे सर्व लोक वैतागले आहेत. कोरोनाने नव्हे, तर कीटमुळेच मरू, असा सूर त्यांच्यातून निघत आहे. सहा तासांच्या ड्यूटीत उघड्या अंगाला चिरा पडतात तर बुटात ग्लासभर घाम साचतो. कोरोना वॉर्डमधील हे वास्तव मांडताना त्यांच्या अंगावर शहारे उमटले.

जिल्हा रुग्णालयासह इतर सर्वच कोरोना रुग्णालये आणि कोविड केअर सेंटरमध्ये आरोग्य सेवा देणाऱ्या डॉक्टर, कर्मचारी कोरोनापासून बचाव व्हावा, यासाठी पीपीई कीटचा (पर्सनल प्रोटेक्टिव इक्यूपमेंट) वापर करतात. सुरुवातीच्या काळात या कीट दर्जेदार असल्याने त्रास होत नव्हता. परंतु, सध्या राज्यस्तरावरुन पुरविल्या जाणाऱ्या कीट अतिशय खराब आहेत. अंगात घालताच पुढील पाचच मिनिटांत व्यक्ती घामाघूम होतो. प्लास्टिक स्वरुपाच्या या कीट सहा तास अंगात ठेवून कर्तव्य बजावताना सगळेच वैतागत आहेत. कसलीही हवा लागत नसल्याने अंगातून घामाच्या धारा निघत असून बुटात तर ग्लासभर घाम साचते. त्यामुळे सध्याच्या कीटला सर्वांचीच नकारघंटा असल्याचे दिसत आहे. याबाबत कारवाईच्या भीतीपोटी कर्मचाऱ्यांनी नाव छापण्यास मनाई केली, परंतु समस्या मांडताना त्यांच्या अंगावर शहारे येत होते. त्यामुळे या कीट बदलून दर्जेदार कीट द्याव्यात, अशी मागणी कक्षसेवक ते डॉक्टर या सर्वांमधून हाेत आहे.

कीट नको, मास्क अन् ग्लोज बस्स झाले...

एक तरुण ब्रदर रात्री ८ वाजेच्या सुमारास ड्यूटीस वॉर्डमध्ये आले. रुग्णांची माहिती घेईपर्यंतच ते घामाघूम झाले. केवळ पाच मिनिटांतच त्यांनी ती कीट काढून बाजूला फेकली. त्यानंतर पुढील सर्व कर्तव्य त्यांनी कीटविनाच बजावले. केवळ त्रास होत असल्याने कर्मचाऱ्यांना अशाप्रकारे जीव धोक्यात घालावा लागत आहे. कीटबद्दल विचारताच त्यांनी कीट नको रे बाबा, असे सांगितले. मास्क आणि ग्लोजच खूप झाले. या कीटपेक्षा कोरोना झालेला परवडतो, असा संतापही त्यांनी व्यक्त केला. एका मावशीनेही अशीच प्रतिक्रिया दिली.

काहींनी तर कीट घालणेच सोडले

कीटमुळे होत असलेल्या त्रासाला कंटाळून अनेक डॉक्टर, परिचारिका, ब्रदर, कक्षसेवक यांनी कीट घालणेच सोडले आहे. केवळ मास्क आणि ग्लोजचा वापर करतात. या सर्व परिस्थितीवरून सर्वच लोक सध्या कीटला वैतागल्याचे दिसते. त्या बदलण्यासाठी मागणी जोर धरत आहे.

कोट

सध्याच्या कीट राज्यस्तरावरूनच आलेल्या आहेत. त्या बदलण्याची तयारी सुरू आहे. लवकरच पहिल्याप्रमाणे कीट येणार आहेत. त्याचा पाठपुरावा सुरु आहे.

डॉ.सूर्यकांत गित्ते, जिल्हा शल्य चिकित्सक, बीड

---

एकूण कोरोनाबाधित २४४७५

एकूण कोरोनामुक्त २२२५७

एकूण मृत्यू ६२१

उपचार सुरू १५९७

---

दररोज सरासरी एवढ्या कीटचा वापर - ५००

===Photopath===

280321\282_bed_5_28032021_14.jpg

===Caption===

पीपीई कीट लोगो