माजलगाव (बीड ) : शहरातील नव्याने वसलेल्या बायपास परिसरातील छत्रपती नगर मध्ये बुधवारी रात्री 1 वाजता हत्यारधारी चोरट्यानी एका घरात प्रवेश करून चाकूच्या धाकावर दीड लाखाचा ऐवज लुटला.
बाबत अधिक माहिती अशी की, शहरातील छत्रपती नगर परिसरात राहणारे संजय सायांना आलमवाड हे कुटुंबासह घरात झोपले होते. रात्री 1 वाजण्याच्या दरम्यान चोरट्यानी घराचे कडी कोंढे तोडून घरात प्रवेश केला. त्यांनतर चोरट्यानी चाकूचा धाक धाक दाखवून लोखंडी गजाने कपाट तोडून आतील सहा तोळे वजनाचे सोन्याचे दागिने व रोख 15 हजार रुपय असा ऐवज लुटला.
यानंतर आलमवाड यांच्या शेजाऱ्यांनी घटनेची माहिती पोलिसांना दिली. पोलिसांनी घटनास्थळी दाखल झाले. त्यांनी रात्रभर शोध मोहीम राबविली मात्र चोरटे होती लागले नाहीत. आज सकाळी श्वान पथकाद्वारे चोरट्यांचा माग घेण्याचा प्रयत्न केला असता यातसुद्धा काही धागेदोरे मिळाले नाही. या बाबत माजलगाव पोलिसात संजय आलमवाड यांच्या फिर्यादीवरून तीन चोरट्या विरुद्ध गुन्हा दाखल करण्यात आला आहे. पुढील तपास पोलीस उपनिरीक्षक विकास दांडे हे करीत आहेत. या सशत्र दरोड्याने परिसरात भीतीचे वातावरण निर्माण झाले आहे.