बीड : लोकसभा निवडणुकीच्या अनुषंगाने जिल्ह्यात एक खासदार आणि सहा आमदार या संख्या बळामुळे महायुती मजबूत वाटत आहे. तर दुसऱ्या बाजूला महाविकास आघाडीकडे एक खासदार आणि एकच आमदार आहे. त्यातही उद्धवसेना आणि काँग्रेस पक्ष अजूनही प्रचारात फारसे सक्रिय झाले नसल्याचे दिसते. त्यामुळे या निवडणुकीत मविआला कसरत करावी लागणार आहे. वंचित बहुजन आघाडीची अद्यापतरी ‘एकला चलो रे’ अशीच अवस्था आहे.
जिल्ह्यात भाजप आणि राष्ट्रवादी हे दोनच पक्ष मजबूत आहेत. शिंदेसेना, उद्धवसेना, वंचित बहुजन आघाडी, काँग्रेस यांचा फारसा दबदबा नाही. परंतु या पक्षांचाही एक ठरावीक मतदार वर्ग आहे. त्यातच मागील काही महिन्यांत राज्याच्या राजकारणात घडामोडी झाल्याने फाटाफूट झाली आहे. भाजप, राष्ट्रवादी (अजित पवार गट) आणि शिंदेसेना यांची महायुती झाली असून राष्ट्रवादी (शरद पवार गट), उद्धवसेना आणि काँग्रेस यांच्यात महाविकास आघाडी झाली. याचा आढावा घेतला असता सध्या महाविकास आघाडीकडे एक राज्यसभेचे खासदार आणि एक विधानसभा आमदार आहेत .त्यामुळे या निवडणुकीत मविआला कसरत करावी लागणार आहे. तर महायुतीकडे एक विधान परिषद, पाच विधानसभा सदस्य तर एक लोकसभा सदस्य एवढे संख्या बळ आहे. परंतु केवळ आमदार-खासदारांच्या संख्याबळावर नव्हे तर मतदारांचा कल कोणाकडे राहील यावर या मतदारसंघाचे भवितव्य ठरणार आहे.
‘वंचित’चा ‘मविआ’लाच फटका? मविआकडून बजरंग सोनवणे यांना उमेदवारी दिली आहे. मराठा चेहरा म्हणून त्यांच्याकडे पाहिले जाते. तर वंचित बहुजन आघाडीकडून अशोक हिंगे हे उमेदवार असून त्यांच्याकडेही कुणबी मराठा म्हणून पाहिले जात आहे. हिंगे हे मराठा आरक्षण लढ्यात सक्रिय आहेत. शिवसंग्रामच्या डॉ. ज्योती मेटे मैदानात उतरल्या तर याचा फटका या दोघांनाही बसू शकतो. कारण दिवंगत विनायक मेटे यांचेदेखील मराठा आरक्षण लढ्यात योगदान मोठे आहे.
कोणाकडे किती संख्याबळमहायुती डॉ. प्रीतम मुंडे - लोकसभा सदस्यधनंजय मुंडे - विधानसभा सदस्यनमिता मुंदडा - विधानसभा सदस्यप्रकाश सोळंके - विधानसभा सदस्यबाळासाहेब आजबे - विधानसभा सदस्यलक्ष्मण पवार - विधानसभा सदस्यसुरेश धस - विधान परिषद सदस्य
महाविकास आघाडीरजनी पाटील - राज्यसभा सदस्यसंदीप क्षीरसागर - विधानसभा सदस्य