बीड जिल्ह्यात ३५ संघटनांचे शेकडो व्यापारी रस्त्यावर

लोकमत न्यूज नेटवर्कबीड : परकीय थेट गुंतवणूकीमध्ये किरकोळ वस्तूच्या उत्पादन व व्यापारास भारत सरकारने दिलेल्या मान्यतेच्या विरोधात कॉन्फेडरेशन आॅफ आॅल इंडिया ट्रेडर्सने पुकारलेल्या बंदला शुक्रवारी बीड जिल्ह्यातील व्यापाºयांनी उत्स्फूर्त प्रतिसाद देत प्रथमच स्वत:च्या मागण्यांसाठी कडकडीत बंद पाळला. शहर व्यापारी महासंघ, केमिस्ट अ‍ॅन्ड ड्रगिस्ट असोसिएशन तसेच व्यापाºयांच्या ३५ संघटनांचे पदाधिकारी व ...

ठळक मुद्देमेक इन इंडियाचा नारा कशासाठी ? स्वत:च्या प्रश्नावर प्रथमच व्यापाऱ्यांचा उत्स्फूर्त बंद, जिल्हा कचेरीवर मूक मोर्चा

लोकमत न्यूज नेटवर्कबीड : परकीय थेट गुंतवणूकीमध्ये किरकोळ वस्तूच्या उत्पादन व व्यापारास भारत सरकारने दिलेल्या मान्यतेच्या विरोधात कॉन्फेडरेशन आॅफ आॅल इंडिया ट्रेडर्सने पुकारलेल्या बंदला शुक्रवारी बीड जिल्ह्यातील व्यापाºयांनी उत्स्फूर्त प्रतिसाद देत प्रथमच स्वत:च्या मागण्यांसाठी कडकडीत बंद पाळला. शहर व्यापारी महासंघ, केमिस्ट अ‍ॅन्ड ड्रगिस्ट असोसिएशन तसेच व्यापाºयांच्या ३५ संघटनांचे पदाधिकारी व सभासदांनी एकजुटीचे प्रदर्शन करत शहरातील सारडा कॅपिटलपासून सुभाष रोड, अण्णा भाऊ साठे चौक, बसस्थानक, छत्रपती शिवाजी महाराज चौक मार्गे मूकमोर्चा काढला. विविध मागण्यांसंदर्भात घोषवाक्यांचे फलक हाती घेवून व्यापारी बांधव मूकमोर्चात सहभागी झाले. जिल्हाधिकारी कार्यालयावर मोर्चा धडकल्यानंतर निवासी उपजिल्हाधिकारी चंद्रकांत सूर्यवंशी यांना निवेदन देण्यात आले. शिष्टमंडळात व्यापारी महासंघाचे कार्याध्यक्ष संतोष सोहनी, शहराध्यक्ष विनोद पिंगळे, केमिस्ट अ‍ॅन्ड ड्रगिस्टचे राज्य उपाध्यक्ष अरूण बरकसे, भास्कर गायकवाड, प्रमोद निनाळ, सुरज लोहिया, विनोद ललवाणी, लईक अहेमद, भास्कर जाधव पदाधिकाºयांनी केली.आयकर, अन्य व्यावसायिक कर असो जबरदस्तीने अथवा कायद्याच्या धाकाने वसूल करण्यासाठी सरकार व्यापाºयांकडे पहात आहे. एका बाजूने मेक इन इंडियाचा नारा द्यायचा तर मागील बाजूने वॉलमार्ट, फ्लिपकार्टसारख्या परदेशी कंपन्यांना देशात प्रवेश द्यायचा. त्यामुळे एकुणच सरकारचे धोरण देशातील व्यापाºयांना घातक असल्याचे निवेदनात म्हटले आहे. हा मोर्चा यशस्वी करण्यासाठी बीड शहर व्यापारी महासंघाचे अक्षय लड्डा, हरिओम धुप्पड, पारस लुनावत, प्रकाश कानगावकर, भास्कर जाधव, मंगेश लोळगे, राजु तापडीया, महेश शेटे, महेश आदे, जवाहर कांकरिया, अशोक शेटे, बद्रीनारायण जाजू, दिनेश मुंदडा, प्रकाश काळे, सखाराम शेळके, हरि क्षीरसागर, विलास शहागडकर, जितेंद्र कासट, अक्षय समदरीया, लईक अहेमद, भरत झांबरे, सूर्यकांत महाजन, बालाप्रसाद जाजू, ईश्वर घोडके यांच्यासह केमिस्ट असोसिएशनचे सुरेश पवार, ईश्वर मुथ्था, विवेक सोमवंशी, पांडुरंग कुºहे यांच्यासह व्यापारी बहुसंख्येने होते. या मोर्चात सहभागी होत नगरसेवक अमर नाईकवाडे यांनी पाठींबा दिला.जिल्हाभरातील १६०० औषधी दुकाने बंद४आॅनलाईन फार्मसीविरोधात अखिल भारतीय औषध विक्री संघटनेनेन पुकारलेल्या एक दिवसीय लाक्षणिक बंदमध्ये जिल्ह्यातील किरकोळ व घाऊक १६०० औषध विक्रेत्यांनी आपली दुकाने बंद ठेवली. अत्यावश्यक तसेच गरजुंसाठी शासननिर्देशानुसार उपाययोजना करण्यात आली होती. सर्व औषध विक्रेत्यांचा ब्लॅक ड्रेस कोड लक्षवेधी ठरला.सर्वच दुकाने बंदमुळे दिवसभर शुकशुकाटकिराणा, कापड, गृहपयोगी वस्तु, मोबाईल तसेच मोबाईल अ‍ॅक्सेसरी, इलेक्ट्रीक, इलेक्टॉनिक साहित्य, भांडी, ड्रायफुड, खाद्यवस्तू, फर्निचर, सराफा दुकाने तसेच इतर सर्व प्रतिष्ठाने तसेच सर्व ठोक व किरकोळ दुकाने बंद होती. तर शाळा, महाविद्यालये, भाजी, फळांचा बाजार सुरळीत व शांततेत सुरू होता.