केज : तुझा पती गरीब आहे, मी तुला पैसे पुरवितो, असे म्हणत एका बावीस वर्षीय महिलेचा विनयभंग करून पीडितेस व तिच्या पतीस मारहाण केल्याची घटना २० जून रोजी घडली. याप्रकरणी शिरूरघाट येथील एका जणाविरोधात पोलिसात गुन्हा दाखल करण्यात आला आहे.
लातूर जिल्ह्यातील पीडित बावीस वर्षीय महिला व तिचा पती हे दोघे केज तालुक्यातील एका गावात हॉटेलवर कामास होते. पीडित महिला ही रविवारी सायंकाळी सहा वाजण्याच्या सुमारास हॉटेलमध्ये काम करीत असताना विक्रम सांगळे (रा. सांगळे वस्ती, शिरुरघाट ता. केज ) याने पीडित महिलेजवळ येऊन तुझा नवरा गरीब आहे, मी तुला पैसे पुरवितो, असे म्हणत पीडितेच्या हाताला धरून विनयभंग केला. पीडितेने आरडाओरडा केल्याने तिचा पती धावत आला असता त्या दोघांना शिवीगाळ करीत लाथा-बुक्क्याने मारहाण केली. जीवे मारण्याची धमकी देऊन निघून गेल्याचे पीडित महिलेने पोलिसात दिलेल्या तक्रारीत नमूद केले आहे. पीडितेच्या तक्रारीवरून विक्रम सांगळे याच्याविरोधात पोलिसात विनयभंगाचा गुन्हा दाखल करण्यात आला आहे. या गुन्ह्याचा पुढील तपास पोलीस नाईक रुक्मिण.................... पाचपिंडे या करत आहेत.