....
शिरूर तालुका रात्रभर अंधारात
शिरूर कासार : शनिवारी सायंकाळी सातनंतर पावसाने जशी हजेरी लावली तसा वीजपुरवठा खंडित झाला. पाऊस उघडून गेला तरी रात्रभर वीज आलीच नाही. यामुळे रात्रभर डासांचा उपद्रव सहन करावा लागला. पाऊस आला की वीज जाणे हे नित्याचे समीकरण ठरलेलेच असते. रविवारी दुपारपर्यंतदेखील वीजपुरवठा सुरळीत झाला नव्हता.
...
बीएसएनएलची रेंज गायब
शिरूर कासार : पाऊस आला, लाईट गेली. त्याचबरोबर भारत संचार निगमची रेंजही गायब झाली. यामुळे मोबाईलधारकांना संपर्क करण्यास दुसऱ्या कंपनीचा आधार घ्यावा लागला होता. तरी बीएसएनएलची मोबाईल सेवा सुरळीत सुरू ठेवावी, अशी मागणी ग्राहकातून होत आहे.
....
पावसाने
शेतकरी सुखावला
शिरूर कासार : रोहिणी नक्षत्राच्या पहिल्याच चरणात पावसाने दमदार हजेरी लावली. यामुळे कोरोनाचा काहीसा विसर पडला असून, शेतकरी सुखावला आहे. आता खरिप हंगामाच्या पूर्वमशागतीकडे शेतकरी वळणार आहे. आणखी पाऊस झालाच तर शेतकरी लागवडीच्या कामाला प्राधान्य देत आहेत.
....
गळतीमुळे हजारो लिटर पाणी वाया
शिरूर कासार : शहरातील नगरपंचायत कार्यालयासमोर पाईपलाईन सातत्याने लिकेज होत असते. फक्त जागा बदलून लिकेजचे दुखणे कायम सुरू आहे. पाईप फुटणे, लिकेज होणे असे प्रकार वारंवार घडत असल्याने शहरातील पाणी नियोजनदेखील कोलमडून पडते. नागरिकांना वेळेवर पाणी मिळत नाही. तरी या पाणीगळतीचा तातडीने बंदोबस्त करावा, अशी मागणी होत आहे.