अनेकांना बटाटा किंवा त्यापासून तयार करण्यात आलेले पदार्थ खायला आवडत नाही. प्रत्येक घरामध्ये बटाटा अगदी सहज आढळून येतो. अनेकदा भाज्यांची चव वाढविण्यासाठी बटाट्याचा वापर करण्यात येतो. अनेक लोक बटाटा खाणं टाळतात. कारण त्यांचा असा समज असतो की, बटाटा खाल्याने वजन आणि शुगर दोन्ही वाढते. परंतु असं अजिबात नाही. बटाट्या आरोग्यासाठी अत्यंत गुणकारी ठरतो. हे अनेक आवश्यक पोषक तत्व आणि मिनरल्स मुबलक प्रमाणात असतात. यामुळे बटाटा खाणं आरोग्यासाठी फायदेशीर असण्यासोबतच त्वचेसाठीही फायदेशीर ठरतो. बटाटा चेहऱ्यावरील डाग, पिंपल्स, पूरळ आणि डार्क सर्कल्स दूर करण्यासाठी मदत करतो.
बटाटा, लिंबू आणि मुलतानी मातीचा फेसपॅक
जर तुम्हाला चेहऱ्याचा रंग उजळवायचा असेल आणि काळपटपणा दूर करायचा असेल तर त्यासाठी बटाटा, लिंबू आणि मुलतानी मातीचा फेसपॅक ट्राय करा. बटाटा आणि लिंबू यांमध्ये अशी तत्व असतात जी त्वचेची रोमछिद्र खुली करून त्यातील घाण बाहेर काढण्यासाठी मदत करतात. लिंबामध्ये असलेलं व्हिटॅमिन सी त्वचेवरील अतिरिक्त तेल दूर करतं, ज्यामुळे ऑयली स्किनची समस्या दूर होते. तसेच मुलतानी मातीमधील मिनरल्स मुबलक प्रमाणात असतात. जे त्वचा हेल्दी ठेवण्यासाठी आणि वाढत्या वयाची लक्षणं कमी करण्यासाठी मदत करतात. तसेच हे डेड स्किन सेल्स दूर करण्यासाठीही मदत करतात.
फेस पॅक तयार करण्याची पद्धत :
एक कच्चा बटाटा घ्या आणि त्याची साल काढून बारिक करून घ्या. त्यामध्ये 2 चमचे मुलतानी माती आणि एक लिंबू पिळून घ्या. तयार पॅक व्यवस्थित एकत्र करा आणि चेहऱ्यावर लावा. एक तासापर्यंत ठेवा आणि त्यानंतर हाताने मसाज करून थंड पाण्याच्या मदतीने चेहरा स्वच्छ धुवून टाका.
सुरकुत्यांसाठी बटाटा आणि कच्च्या दूधाचा फेसपॅक
सुरकुत्या दूर करण्यासाठी बटाटा आणि कच्चं दूधाचा मास्क फायदेशीर ठरतो. कच्चं दूध त्वचेला मॉयश्चराइज करतं. डाग आणि सुरकुत्या दूर करण्यासाठीही मदत करतं. याव्यतिरिक्त दूधाचा उपयोग त्वचेसाठी एक क्लिंजर म्हणूनही केला जातो.
फेसपॅक तयार करण्याची पद्धत :
फेसपॅक तयार करण्यासाठी एक कच्चा बटाटा किसून घ्या. त्यामध्ये 4 चमचे दूध आणि थोडसं गुलाबपाणी एकत्र करा. आता हा पॅक चेहऱ्यावर लावा आणि अर्ध्या तासासाठी असचं राहू द्या. त्यानंतर थंड पाण्याने तोंड धुवून टाका.
टिप : वरील सर्व उपाय घरगुती आहेत आणि केवळ माहिती म्हणून आम्ही हे वाचकांपर्यंत पोहोचवत आहोत. प्रत्येकाची त्वचा वेगळी असते त्यामुळे सर्वच उपाय सर्वांच्याच त्वचेसाठी फायदेशीर असतील असं नाही किंवा असा दावाही आम्ही करत नाही. त्यामुळे कोणताही उपाय करण्याआधी तज्ज्ञांचा सल्ला घेणं फायदेशीर ठरेल.