ठळक मुद्देसिंधूने उपांत्य फेरीत अकाने यामागुची या खेळाडूवर 21-16, 24-22 असा विजय मिळवला.
नानजिंग (चीन) : भारताची आघाडीची महिला बॅडमिंटनपटू पी. व्ही. सिंधूने जागतिक बॅडमिंटन अजिंक्यपद स्पर्धेच्या अंतिम फेरीत दिमाखात प्रवेश केला आहे. सिंधूने उपांत्य फेरीत जपानच्या अकाने यामागुची या खेळाडूवर 21-16, 24-22 असा विजय मिळवला.
सिंधू आणि यामागुची यांच्यातील सामना चांगलाच रंगतदार झाला. पहिल्या गेममध्ये सिंधूने आक्रमक खेळ केला आणि हा गेम 21-16 असा जिंकला. यानंतर सिंधू आत्मविश्वास उंचावेल आणि ती दुसरा गेम सहज जिंकेल असे वाटत होते. पण दुसऱ्या गेममध्ये यामागुची दमदार पुनरागमन केले. या गेममध्ये दोघींची 22-22 अशी बरोबरी झाली होती. पण त्यानंतर सिंधूने सलग दोन गुण पटकावले आणि अंतिम फेरीत दिमाखात प्रवेश केला.