हो ची मिन्ह सिटी - भारताचा स्टार खेळाडू अजय जयरामला मोसमातील पहिल्या जेतेपदाने हुलकावणी दिली. व्हिएतनाम खुल्या बॅडमिंटन स्पर्धेच्या अंतिम लढतीत इंडोनेशियाच्या शेसार हिरेन याने 28 मिनिटांत जयरामला 21-14, 21-10 असा पराभव केला.
भारतीय बॅडमिंटनपटू एखाद्या स्पर्धेच्या अंतिम फेरीत दाखल झाल्याची तीन आठवड्यातील ही तिसरी वेळ आहे. मागच्या रविवारी ऑलिम्पिक रौप्यपदक विजेती पी. व्ही. सिंधू विश्व चॅम्पियनशिपच्या अंतिम सामन्यात स्पेनची कॅरोलिना मारिनकडून पराभूत झाली होती. त्याआधी भारताचा सौरभ वर्मा रशियन खुल्या स्पर्धेच्या अंतिम सामन्यात विजेता ठरला होता.