डेन्मार्क : सायना नेहवालनेडेन्मार्क ओपन बॅडमिंटन स्पर्धेच्या उपांत्यपूर्व फेरीत प्रवेश केला. तिने जागतिक क्रमवारीत दुसऱ्या स्थानावर असलेल्या अकाने यामागुचीचा 21-15, 21-17 असा पराभव केला. आठ सामन्यांत सायनाला दुसऱ्यांदा यामागुचीला नमवण्यात यश आले. सायनाने 2014 मध्ये चीन ओपन स्पर्धेत यामागुचीला अखेरचे नमवले होते.
भारताच्या सायनाने सुरुवातीपासून सामन्यावर पकड घेत जपानी खेळाडूला हतबल केले होते. पहिल्या गेममध्ये 10-10 अशी बरोबरी असताना सायनाने उल्लेखनीय खेळ करताना 21-15 अशा विजयाने 1-0 अशी आघाडी घेतली.