जकार्ता - रिओ ऑलिम्पिक रौप्यपदक विजेत्या पी. व्ही. सिंधूला विजयासाठी झगडावे लागले. सिंधूने 21-10, 12-21, 23-21 अशा फरकाने व्हिएतनामच्या वू थी ट्रँगचा पराभव केला आणि बाद फेरीत प्रवेश केला.
ट्रँगने महिला एकेरीच्या पहिल्याच सामन्यात जागतिक क्रमवारीत आघाडीवर असलेल्या सिंधूला झुंजवले. सिंधूने पहिला गेम 21-10 असा अवघ्या 11 मिनिटांत जिंकून आघाडी घेतली. मात्र ट्रँगने दमदार पलटवार करताना 17 मिनिटांच्या संघर्षानंतर दुसरा गेम 21-12 असा जिंकून सामन्यात चुरस निर्माण केली. चुरशीच्या रंगलेल्या तिसऱ्या गेममध्ये दोन्ही खेळाडूंनी बहारदार खेळ केला. सिंधूला चौथ्या गेम पॉइंटवर सामना जिंकण्यात यश आले. तिने 29 मिनिटांच्या हा गेम 23-21 असा जिंकला.