टीव्हीएस मोटर्स (TVS moters) आपल्या NTorq स्कूटरवर विशेष ऑफर देत आहे. यामध्ये जर तुम्हाला ही स्कूटर नो कॉस्ट ईएमआयवर (no cost emi) देखील खरेदी करता येणार आहे. अशा प्रकारची ही वाहनांवरील पहिलीच ऑफर आहे. (no cost emi on TVS Ntorq 125)
TVS NTorq स्कूटरची एक्स शोरुम किंमत 76,407 रुपये आहे. या स्कूटरचे 4 व्हेरिअंट आणि 11 रंगात उपलब्ध आहे. चला जाणून घेऊयात टीव्हीएसच्या या ऑफरच्या बाबत...
TVS NTorq 125 वर कंपनीकडून EMI ची नो कॉस्ट म्हणजेच ईएमआयवर व्याज नाही, अशी भन्नाट ऑफर जी आजवर गॅजेट, इलेक्ट्रॉनिक वस्तूंवर दिली जात होती, ती देण्यात आली आहे. ही ऑफर 3 किंवा 6 महिन्यांसाठी देण्यात आली आहे. या ऑफरचा लाभ घेण्यासाठी तुम्हाला क्रेडीट कार्डचा वापर करावा लागणार आहे. सोबतच ही ऑफर ठराविक काळ म्हणजेच 15 जूनपर्यंत देण्यात येत आहे.
कंपनीने एन टॉर्क स्कूटरच्या किंमतीमध्ये वाढ केली आहे. तरी देखील भारतीयांमध्ये या स्कूटरची मोठी क्रेझ आहे. कारण या स्कूटरमध्ये हायटेक फिचर देण्यात आली आहेत. कंपनीने य़ा स्कूटरला जबरदस्त लूक दिला आसून सोबत हाय परफॉरमन्स इंजिन, मॉडर्न फीचर्स सोबत ब्ल्यूटूथ इनेबल फुल्ली डिजिटल कंसोल दिला आहे. यामुळे ही स्कूटर अन्य स्कूटरपेक्षा वेगळी ठरत आहे. देशात 1 एप्रिलपासून होंडा, बजाज, यामहा आणि हिरो या कंपन्यांनी देखील स्कूटरच्या किंमती वाढविल्या आहेत.
Tvs Nltord मध्ये 124.8cc सिंगल सिलिंडर, फ्यूअल इंजेक्टेड इंजिन देण्यात आले आहे. हे इंजिन 9.38PS ची ताकद आणि 10.5Nm चा टॉर्क प्रदान करते. या स्कूटरची टक्कर एप्रिलिया एसआर 125, हिरो मॅस्ट्रो एज 125, होंडा ग्राझिया आणि सुझुकी बर्गमॅन स्ट्रीट 125 यांच्याशी आहे.