Tata Motors ने हॅचबॅक कार टियागोची लाईनअप पुन्हा वाढविली आहे. 2020 मध्ये बंद करण्यात आलेली Tata Tiago NRG कार आज नव्या ढंगात रिलाँच करण्यात आली. या लाँचिंगवेळी कंपनीने एक ऑफरदेखील देऊ केली आहे. जाणून घ्या या टाटा टियागो एनआरजीची किंमत आणि फीचर्सबाबत. (Tata Tiago NRG gets all the goodies from the top-end variant of the Tiago.)
अर्बन टफरोडर' म्हणून दर्जा असलेली टियागो एनआरजीची आकर्षकता वाढवण्यात आली आहे. चांगला ग्राऊंड क्लिअन्स देण्यात आला आहे. ग्लोबल एनकॅपकडून ४ स्टार मिळालेले आहेत. ही कार फोरेस्टा ग्रीन, फायर रेड, स्नो व्हाइट, क्लाउडी ग्रे अशा चार रंगात उपलब्ध आहे. या कारची किंमत एक्स शोरुम दिल्ली 6.57 लाख रुपयांपासून सुरु होते.
Tata Tiago NRG मध्ये ऑल ब्लॅक रुफ देण्यात आली आहे. रुफ रेल्सचा लुक कारला सुंदर बनवितो. मस्कुलर बंपर, फॉक्स स्किड प्लेट्स, बॉडी क्लैडिंग मुळे बाहेरून कार चांगली दिसते. 15 इंचाचे अलॉय व्हील देण्यात आले आहेत.
Tata Tiago NRG इंटेरिअरवरही काम करण्यात आले आहे. 7 इंचाची इंफोटेनमेंट टचस्क्रीन देण्यात आली आहे. सीट आणि केबिनला चारकोल ब्लॅक थिम देण्यात आली आहे. ऑटो एसी आणि हरमन कार्डन साऊंड सिस्टिम देण्यात आली आहे.
1.2 लीटरचे रेवोट्रॉन पेट्रोल इंजिन देण्य़ात आले आहे. मल्टी फंक्शन स्टीयरिंग व्हील, डुअल फ्रंट एयरबैग, एबीएस, फॉलो-मी लॅम्प आणि पार्किंग असिस्ट कॅमेरा देण्यात आला आहे. कंपनीने लाँचिंग प्राईस मॅन्युअल ट्रान्समिशन 6.57 लाख रुपये आणि ऑटोमेटिक ट्रांसमिशनची 7.09 लाख रुपये किंमत ठेवण्यात आली आहे. (2021 Tata Tiago NRG launched at Rs 6.57 lakh)