नवी दिल्ली : भारतातील सर्वात मोठी कार निर्माता कंपनी मारुती सुझुकी आपल्या सीएनजी (CNG) पोर्टफोलिओचा देशात विस्तार करण्यासाठी सज्ज आहे. कंपनीने अलीकडेच भारतात बलेनो (Baleno) आणि एक्सएल 6 च्या एस-सीएनजी व्हर्जन लाँच केल्या आहे. आता कार निर्माता ब्रेझा आणि ग्रँड विटाराच्या एस-सीएनजी व्हर्जन सादर करण्याच्या तयारीत आहे. लाँच झाल्यानंतर ही मारुतीची पहिली एसयूव्ही असेल, जी फॅक्टरी फिट सीएनजी किटसह येईल.
आगामी मारुती सुझुकी ब्रेझा एस-सीएनजी आधीच डीलरशिपवर दिसली आहे आणि लवकरच भारतात लाँच होण्याची शक्यता आहे. यामध्ये 1.5-लिटर नॅच्युरली एस्पिरेटेड बाई- फ्यूल पेट्रोल इंजिन असणार आहे. हे इंजिन एक्सएल 6 मध्ये सीएनजी मोडमध्ये 86.7 bhp पॉवर आणि 121 Nm टॉर्क जनरेट करते. हे फक्त 5-स्पीड मॅन्युअल गिअरबॉक्ससह येऊ शकते.
Maruti Suzuki Grand Vitara S-CNG टोयोटोने अर्बन क्रुझर हायराइडर ई-सीएनसीसाठी 25,000 रुपयांच्या टोकन रकमेसह बुकिंग घेणे सुरू केले आहे. मात्र, अद्याप दर जाहीर करण्यात आलेले नाहीत. किमती लवकरच जाहीर केल्या जातील. हायरायडर लॉन्च केल्यानंतर मारुती सुझुकीकडून ग्रँड विटारा एस-सीएनजी लाँच करण्याची शक्यता आहे. या दोन्ही सीएनजी मिड-साइजच्या एसयूव्ही एकमेकांशी मेकॅनिकल्स शेअर करतील. यात फक्त ब्रेझा सीएनजी इंजिन मिळेल.
Maruti Suzuki Brezza, Grand Vitara S-CNG ची किंमतमारुती सुझुकी लवकरच ब्रेझा आणि ग्रँड विटाराच्या एस-सीएनजी व्हर्जनच्या किमती जाहीर करू शकते. ज्या ट्रिममध्ये सीएनजी किट ऑफर केली जाईल, ती आपल्या पेट्रोल व्हर्जनपेक्षा सुमारे 1 लाख रुपये महाग असेल. सध्या, ब्रेझाची किंमत 7.99 लाख ते 13.96 लाख रुपये आहे तर ग्रँड विटाराची किंमत 10.45 लाख ते 19.65 लाख रुपये (एक्स-शोरूम) दरम्यान आहे.