उपाध्यक्ष, सभापतीच्या बंगल्याची केली पाहणी

जिल्हा परिषदेचे उपाध्यक्ष, शिक्षण सभापती यांनी नियमांना बगल देत बंगल्याची डागडूजी, दुरुस्ती व सौदर्र्यींकरण केल्याप्रकरणी ...

जि.प. स्थायी समितीची भेट : दोन अभियंत्यांच्या अभिप्रायात तफावतअमरावती : जिल्हा परिषदेचे उपाध्यक्ष, शिक्षण सभापती यांनी नियमांना बगल देत बंगल्याची डागडूजी, दुरुस्ती व सौदर्र्यींकरण केल्याप्रकरणी बुधवारी स्थायी समितीने पाहणी करुन यातील वस्तुस्थिती जाणून घेतली. परंतु या प्रकरणी कार्यकारी अभियंता आणि उपअभियंत्यांनी दिलेल्या अभिप्रायमध्ये वेगवेगळे मत नोंदविल्याने नेमकी वास्तविकता काय? हे अद्यापही गुलदस्त्यात आहे. जि.प. च्या दोन पदाधिकाऱ्यांनी निवासस्थानाच्या दुरूस्तीसाठी नियमबाह्य निधी मिळविल्याचे प्रकरण 'लोकमत'ने ५ जून रोजी लोकदरबारात मांडले होते. या वृत्ताची दखल तत्कालीन मुख्यकार्यकारी अधिकारी अनिल भंडारी व जिल्हा परिषद स्थायी समितीने दखल घेतली होती. त्यानुसार बुधवारी स्थायी समितीचे पदाधिकारी व बांधकाम विभागाचे अधिकारी यांनी कामांची संयुक्त पाहणी केली आहे. जिल्हा परिषद उपाध्यक्ष सतीश हाडोळे व बांधकाम, शिक्षण सभापती गिरीश कराळे यांनी शासकीय निवासस्थानाची दुरूस्ती करण्यासाठी निधी मिळविताना शासन निर्णयाची पायमल्ली केल्याचे वृत्त ‘लोकमत’ ने प्रकाशित केले होते. परिणामी जिल्हा परिषदेत एकच खळबळ उडाली होती. सत्तेतील शिलेदारांनी शासकीय निवासस्थान दुरूस्तीसाठी केवळ ५ लक्ष रूपयांची तरतूद असताना या कामासाठी तब्बल ३० लक्ष रूपये खर्च केल्याची बाब उघडकीस आली. विकासाचे काम असो अथवा दुरूस्तीची कामे यासाठी राज्य शासनाच्या बांधकाम विभागाने कामे करण्यासाठी निकष ठरविले आहे. परंतु निकष गुंडाळून निवासस्थानामध्ये सुविधांसाठीच्या तरतुदीपेक्षा जिल्हा परिषदेच्या विविध शिर्ष्यनिहाय अखर्चिक असलेला निधी तुकडे पाडून निवासस्थाने दुरूस्ती केली आहे. त्यामुळे जिल्हा परिषद स्थायी समितीने १२ जून रोजी च्या सभेत या दोन्ही बंगल्याची संयुक्त पाहणी करण्याचा मुद्दा काँॅग्रेसचे गटनेता बबलू देशमुख यांनी मांडला होता. त्यानुसार ८ जुलै रोजी स्थायी समितीची सभा आटोपल्यानंतर जिल्हा परिषदेतील काँग्रेसचे गटनेता बबलू देशमुख, अध्यक्ष सतीश उईके, उपाध्यक्ष सतीश हाडोळे, सभापती गिरीश कराळे सदस्य रविंद्र मुंदे व बांधकाम विभागाचे उपअभियंता संजय व्यवहारे आदींनी या बंगल्याची पाहणी केली. पदाधिकाऱ्यांची निवासस्थानाची कामे नियमानुसार केल्याची माहिती उपअभियंता संजय व्यवहारे यांनी दिली. यामध्ये तुटतुटक निधी वापरला असला तरी तो विविध कामेनिहाय घेण्यात आला. वेगवेगळी निविदा प्रक्रिया राबविण्यात आली. असा निधी वापरणे हे नियमानुसारच असल्याचे ते म्हणाले. तर कार्यकारी अभियंता पी.जी. भागवत यांनी १२ जून रोजी पार पडलेल्या स्थायी समितीच्या सभेत कोणतीही कामे करतांना तुटतुटक निधी वापरणे ही बाब शासन धोरणात न बसणारी असल्याचे त्यांनी सांगितले होते. दोन्ही अभियंत्यांनी दिलेल्या अभिप्रायात तफावत आढळून आल्याने पडताळणी करण्याचे संकेत आहे. ही कामे नियमबाह्य होती, तर या कामांची देयके कार्यकारी अभियंत्यांनी कशी काढली, असे सतीश हाडोळे यांचे म्हणने आहे. (प्रतिनिधी)पदाधिकाऱ्यांच्या बंगल्याची पाहणी केली केली असता बांधकाम विभागाच्या अधिकाऱ्यांनी दिलेल्या माहितीची सिईओ मार्फत पडताळणी क रून पुढील निर्णय घेऊ-बबलू देशमुख, गटनेता, काँॅग्रेस जि.प. ज्या प्रमाणे बंगला दुरूस्तीसाठी मिळालेल्या प्रशासकीय मान्यतेनुसार निविदा काढून कामे केली आहेत. दोन अधिकाऱ्यांनी दिलेल्या अभिप्रायामधील वेगवेगळे अभिप्राय यासंदर्भात दस्ताऐवजाची पडताळणी करू.-गिरीश कराळे, बांधकाम सभापती, जि.प. पदाधिकारी यांच्या बंगल्याची दुरूस्ती कामाला तत्कालीन बांधकाम विभागाच्या अधिकाऱ्यांनी दोन भागात प्रशासकीय मान्यता दिल्याचे प्रशासकीय दस्ताऐवजावरून दिसून येते. त्यामुळे याबाबत तपासणी केल्यावरच याबाबत सांगता येईल-पी.जी. भागवत, कार्यकारी अभियंता, बांधकाम