सालोरा येथील आगीत दोन जनावरांचा होरपळून मृत्यू

सालोरा येथील शेतकरी पुंडलिक राऊत यांच्या घरावरून गेलेल्या विद्युत तारांच्या घर्षणाने शॉर्टसर्किट होऊन आगीचे लोळ जनावरांच्या गोठ्यावर पडले. यात एक गाय आणि म्हशीचा जागीच होरपळून मृत्यू झाला. नागरिकांनी चार जनावरे या आगीच्या तावडीतून बाहेर काढली. बाजूच्या विहिरीवरून पाणी आणून आग आटोक्यात आणली. नंतर अग्निशमन दलाच्या वाहनाने आगीवर नियंत्रण पूर्णपणे मिळविले.

ठळक मुद्देशॉर्टसर्किटने लागली आग : शेतकऱ्यांचे दीड लाखांचे नुकसान

लोकमत न्यूज नेटवर्कनांदगाव पेठ : नजीकच्या सालोरा खुर्द येथे शॉर्टसर्किटने लागलेल्या आगीत गोठ्यातील दोन जनावरांचा होरपळून मृत्यू झाला, तर अन्य चार जनावरे जखमी झाली. शेतकऱ्याचे अंदाजे दीड लक्ष रुपयांचे नुकसान झाले आहे. पुंडलिक राऊत यांच्या घराला लागून असलेल्या गोठ्यात ही आग लागली. सुदैवाने घर आगीच्या विळख्यातून थोडक्यात बचावल्यामुळे मोठे संकट टळले.सालोरा येथील शेतकरी पुंडलिक राऊत यांच्या घरावरून गेलेल्या विद्युत तारांच्या घर्षणाने शॉर्टसर्किट होऊन आगीचे लोळ जनावरांच्या गोठ्यावर पडले. यात एक गाय आणि म्हशीचा जागीच होरपळून मृत्यू झाला. नागरिकांनी चार जनावरे या आगीच्या तावडीतून बाहेर काढली. बाजूच्या विहिरीवरून पाणी आणून आग आटोक्यात आणली. नंतर अग्निशमन दलाच्या वाहनाने आगीवर नियंत्रण पूर्णपणे मिळविले. गाय व म्हैस होरपळून दगावल्याने शेतकऱ्याचे दीड लाखांचे नुकसान झाल्याचा प्रथमिक अंदाज आहे. विद्युत विभागाने पंचनामा करून नुकसान भरपाई देण्याची मागणी पीडित शेतकरी पुंडलिक राऊत यांनी केली आहे.