अमरावती: अनैतिक संबंधाच्या संशयावरून एका तरुणाची निर्घृण हत्या केल्याची धक्कादायक घटना अमरावती शहरात उघडकीस आली आहे. अमरावती शहर गुन्हे शाखेने अत्यंत वेगाने तपास चक्रे फिरवत या खुनाचा छडा अवघ्या दोन तासांत लावला असून आरोपीला बेड्या ठोकल्या आहेत.
आज मंगळवार दिनांक १० मार्च रोजी सकाळी, बडनेरा पोलीस स्टेशनच्या हद्दीतील रायसोनी कॉलेजसमोरील मसला गावाजवळ एका पुरुषाचा मृतदेह रक्ताच्या थारोळ्यात पडलेला असल्याची माहिती पोलीस नियंत्रण कक्षाला मिळाली. घटनेचे गांभीर्य ओळखून वरिष्ठ पोलीस अधिकारी आणि गुन्हे शाखेच्या पथकाने तातडीने घटनास्थळी धाव घेतली. तपासादरम्यान मृताची ओळख पटली असून, सूरज पुसुलाल यादव (वय ३१ वर्षे) असे त्याचे नाव आहे. तो मूळचा धानसोड (गोंदिया) येथील रहिवासी असून सध्या मसला, बडनेरा येथील विटाभट्टीवर कामगार म्हणून कार्यरत होता.
गुन्हे शाखेने मृताच्या नातेवाईकांकडे आणि विटाभट्टीवरील इतर कामगारांकडे सखोल चौकशी केली. तपासात असे समोर आले की, मृताला त्याच्या पत्नीचे आरोपीसोबत अनैतिक संबंध असल्याचा संशय होता. याच कारणावरून काल रात्री ९ मार्च रोजी ९ ते १० च्या सुमारास मृत सूरज यादव आणि आरोपी अनिल शिव धुर्वे यांच्यात जोरदार भांडण झाले. हे भांडण विकोपाला गेल्याने संतापलेल्या अनिल धुर्वे याने सूरजला जमिनीवर पाडले आणि दगडाने ठेचून त्याची निर्घृण हत्या केली. पोलिसांनी संशयावरून अनिल धुर्वे (वय ३५ वर्षे, रा. मोहडोंगरी, मध्य प्रदेश) याला ताब्यात घेतले असता, त्याने गुन्ह्याची कबुली दिली आहे.
Web Summary : In Amravati, a man was murdered due to suspicions of his wife's affair. Police swiftly arrested the accused, Anil Dhurve, who confessed to the crime after a heated argument escalated into a fatal attack with a stone. The victim, Suraj Yadav, worked at a brick kiln.
Web Summary : अमरावती में पत्नी के अवैध संबंध के शक में एक व्यक्ति की हत्या कर दी गई। पुलिस ने तेजी से आरोपी अनिल धुर्वे को गिरफ्तार किया, जिसने बहस के बाद पत्थर से हमला करके हत्या करने की बात कबूल की। मृतक सूरज यादव ईंट भट्ठे पर काम करता था।