जीएसटीचे काऊंटडाऊन सुरू

येत्या १ जुलैपासून संपूर्ण देशभरात ‘जीएसटी’ कर प्रणाली कार्यान्वित होणार आहे. केंद्र सरकारने जीएसटी नोंदणीसाठी १ ते १५ जून दरम्यान सुविधा उपलब्ध करून दिली होती, ती मुदत गुरुवारी संपुष्टात आली.

१ जुलैपासून नवीन करप्रणाली : व्यावसायिकांमध्ये उत्सुकतालोकमत न्यूज नेटवर्कअमरावती : येत्या १ जुलैपासून संपूर्ण देशभरात ‘जीएसटी’ कर प्रणाली कार्यान्वित होणार आहे. केंद्र सरकारने जीएसटी नोंदणीसाठी १ ते १५ जून दरम्यान सुविधा उपलब्ध करून दिली होती, ती मुदत गुरुवारी संपुष्टात आली. यापूर्वी नोंदणीची अंतिम मुदत ३० एप्रिल होती. मात्र, या कालावधीत केवळ ६५ टक्केच व्यावसायिकांनी नोंदणी केली. त्यामुळे १५ जूनपर्यंत मुदतवाढ देण्यात आली होती. ती संपुष्टात आल्यानंतर आता नव्याने २५ जून ते १ जुलैपर्यंत आॅनलाईन नोंदणी उपलब्ध राहील. गुरुवारी आॅनलाईन नोंदणीची मुदत संपत असताना ‘डू नॉट पॅनिक’असा संदेश जीएसटीच्या संकेतस्थळावर झळकला आहे. त्यात २५ जून ते १ जुलैपर्यंत आॅनलाईन नोंदणी करता येणार असल्याचे म्हटले आहे.नोंदणी न केल्यास इनपुट क्रेडिट आणि व्हॅट रिफंडचा लाभ घेता येणार नाही. जीएसटीची अंमलबजावणी झाल्यानंतर सध्याा अस्तित्वात असणारा विक्रीकर, उत्पादन शुल्क, प्रवेश कर, मनोरंजन कर, सेवाकर आणि व्हॅट (मूल्यवर्धीत कर) आदी कर संपुष्टात येणार आहेत. त्यामुळे व्यावसायिकांना १५ जूनपर्यंत जीएसटीच्या पोर्टलवर नोंदणी करणे अनिवार्य आहे. व्यापारी आणि व्यावसायिकांनी ६६६.२३.ॅङ्म५.्रल्ल येथे नोंदणी करावयाची आहे. व्यापारी व व्यावसायिकांना आपले युजर नेम (प्रोव्हीजनल आयडी) आणि पासवर्ड घ्यावा लागेल. प्रोव्हीजनल आयडी आणि पासवर्ड राज्य व्हॅट, केंद्रीय उत्पादन शुल्क आणि सेवा कर संस्थेकडून घ्यावा लागेल.प्रक्रिया आॅनलाईनसध्या करदाते असणाऱ्यांना यापूर्वी मिळालेले प्रोव्हीजनल जीएसटीएन (गुडस् अँड सर्व्हिस टॅक्स आयडेंटिफिकेशन) क्रमांक नोंदवावे लागतील. जीएसटीएन क्रमांकाला प्रोव्हिजनल आयडी असेही म्हटले जाते.नोंदणी करताना मोबाईल क्रमांक, ईमेल आयडी द्यावा लागणार आहे.मोबाईल क्रमांकावर ओटीपी पाठविण्यात येईल.संबंधितांना आपली माहिती आणि स्कॅन केलेला फोटो अपलोड करावा लागेल.पॅन कार्ड, बँक खाते आणि आयएफसी क्रमांक आदींचाही अंतर्भाव करावा लागेल.ही सर्व माहिती आॅनलाईन भरण्याची आवश्यकता आहे.त्यानंतर संबंधिताचा नोंदणीकृत ई-मेल आणि मोबाईल क्रमांकावर नोंदणीची माहिती येईल.‘एससीईएस’चीही नोंदणी आवश्यकजीएसटीच्या वेबसाईटवर नोंदणी केल्यानंतर युजर नेम आणि पासवर्ड सेंट्रल एक्साईज अँड सर्व्हीस टॅक्सच्या (एससीईएस) ँ३३स्र://६६६.ंूी२.ॅङ्म५.्रल्ल या वेबसाईटवर नोंदवणे आवश्यक आहे. येथे व्यापारी आणि व्यावसायिकांनी कर विवरणपत्र जमा करता येणार आहे.केंद्रीय जीएसटी आणि राज्याच्या जीएसटीसाठी एकच नोंदणी क्रमांक असेल.जीएसटी नोंदणी न केल्यास...जीएसटी नोंदणी न केल्यास व्यापारी आणि व्यावसायिकांना व्हॅट व्यवस्थेतील टॅक्स क्रेडिट, इनपूट क्रेडिट आदींचे लाभ मिळणार नाहीत.व्हॅट परतावा मिळणार नाही.विवरणपत्र जमा करताना आधी जीएसटी नोंदणी करणे अनिवार्य आहे. नोंदणी न करता कर विवरण पत्र भरता येणार नाही.अकाऊंटिंग आणि सिस्टीमला करदात्यांसमवेत जोडून घ्या. सरकार त्यासाठी अ‍ॅप आणि सॉफ्टवेअरही आणणार आहे. व्यावसायिक अ‍ॅप आणि सॉफ्टवेअर डाऊनलोड करू शकणार आहेत