अमरावती : जिल्ह्यात सन २०१९ मध्ये ५ लाख ८३ हजार ६५५ रेशनकार्डधारक होते. त्यात सन २०२० मध्ये १९ हजार ५०० ची वाढ होऊन हा आकडा ६ लाख ३ हजार १५५ वर पोहचला आहे. यामध्ये विविध प्रकारच्या रेशनकार्डचा समावेश आहे.
रेशन कार्ड हे रहिवाशाचा महत्त्वाचा पुरावा मानला जात असल्याने प्रत्येक कुटुंबांचे कार्ड काढलेले आहेत. मात्र, परिवार वाढत गेल्याने व योजनेचा लाभ मिळण्याच्या उद्देशाने अनेकांनी स्वतंत्र परिसरावाची नोंद वेगळी केल्याच्या अनेक प्रकरणांमुळे दरवर्षी रेशनकार्डधारकांची वाढ होताना दिसत आहे. यामध्ये अचलपूर तालुक्यात ५०३३, अमरावती तालुक्यात ८९७ व अमरावती शहरात ४३२२, चांदूर बाजार - २०१३, चांदूर २२९, चिखलदरा ८४२, दर्यापूर १४६१, धारणी १९४१, मोर्शी १७२४, भातकुली १०६, तिवसा ४८५, वरूड ७६६ असे एकूण १९८१९ रेशनकार्डांची वाढ झाली आहे, तर धामणगाव रेल्वेत १३, नांदगाव खंडेश्वर २४४ आणि अंजनगाव सुर्जी तालुक्यात ६२ अशा ३१९ रेशनधारकांची संख्या कमी झालेली आहे. त्यामुळे वर्षभरात रेशनकार्डांची संख्या जिल्ह्यात १९,५०० ने वाढल्याची माहिती जिल्हा पुरवठा अधिकारी कार्यालयातून मिळाली.
बॉक्स
तालुका अंत्योदय प्राधान्य गट शेतकरी योजनेतील केशरीधारक सन २०२०
अचलपूर ६११५ ४१२९९ १२४५१ ९८११ ६९६७६
अमरावती ५७१४ १८१५५ ५६२९ ७९५ ३०२९३
अमरावती शहर७६२१ ५७४३५ ४३५० २४४०८ ९३८१४
अंजनगाव सुर्जी ६११७ १६५०० ७८८२ १४३४ ३१९३३
चांदूर बाजार ७६०९ २९३९० ९११२ २४९२ ४८६०३
चांदूर रेल्वे ४१०० ८८६९ ९५०० ८९० २३३५९
दर्यापूर ६३५५ १६०४९ १४५०४ ११ ३६९१९
धामणगाव रेल्वे ५१६८ १५१९२ ९०९७ ७३९ ३०१९६
धारणी २६३८० ८३२७ ४९११ ३१५८ ४२७७६
मोर्शी ७७६९ २११६३ ८१८९ ३९०२ ४१०२३
नांदगाव खं. ५१२१ १५९१६ ८२८८ १०३ २९४२८
भातकुली ४५१६ १५१९१ ४१७९ ७७६ २४६६२
तिवसा ४१७० १३०७१ ३८८१ ३१४ २१४३६
वरूड ८१६३ २३५२७ १३५८० ४०२७ ४९२९७
एकूण १२४८७१ ३०७४७२ ११६०९० ५४७२२ ६०३१५५
कोट
एकाच परिवारातील सदस्यसंख्या वाढल्याने अनेक कार्डधारकांनी नावे वेगळी केल्याने तसेच काही इतरत्र स्थानांतरित झाल्याने जुन्या कार्डातील नावे कमी केल्याने काही तालुक्यांत कमी तर काही ठिकाणी रेशनकार्डांची संख्या वाढलेली आहे.
- अनिल टाकसाळ,
जिल्हा पुरवठा अधिकारी