शिवसेनेतर्फे वलगाव येथील वृद्धाश्रमात साहित्य वाटप

अमरावती : शिवसेनेच्या ५५ व्या वर्धापन दिनानिमित्त महानगर शाखेच्यावतीने वलगाव येथील श्री संत गाडगेबाबा वृद्धाश्रमातील वृद्धांना विविध साहित्यांचे वाटप करण्यात आले.

वृद्धांना जेवण, अन्न धान्य, छत्री,पादत्राणे, टॉर्च, फळे तसेच महिलांना साडी, चोळीसह जीवनावश्यक वस्तूंचे वाटप करण्यात आले. यावेळी शिवसेना महानगरप्रमुख पराग गुडधे यांच्या हस्ते वृक्षारोपण करण्यात आले. माजी खासदार अनंत गुढे, माजी आमदार ज्ञानेश्वर धाने पाटील, शिवसेना जिल्हाप्रमुख राजेश वानखडे, महिला आघाडी जिल्हाप्रमुख मनीषा टेंभरे, महापालिका गटनेते राजेंद्र तायडे, नगरसेविका जयश्री कुऱ्हेकर, अर्चना धामणे उपजिल्हाप्रमुख नरेंद्र निर्मळ, विधानसभा संघटक नितीन हटवार, शिवसेना उपमहानगरप्रमुख विजय ठाकरे, पंजाबराव तायवाडे, सुनील राऊत, संजय शेटे, कामगार नेते नितीन तारेकर, युवा सेना जिल्हाप्रमुख श्याम धाने पाटील आदी उपस्थित होते.