आसेगावातून बनावट खत जप्त

मध्यप्रदेशातील देवास येथील बालाजी फॉस्पेट या कंपनीतून ते खत आणल्याची माहिती ट्रकचालक कैलास उजवारे (३५, रा. गुजरखेडी, जि. खंडवा) याने दिली. मात्र, त्याच्याकडे आवश्यक कागदपत्र नसल्याने तो ट्रक पोलीस ठाण्यात नेण्यात आला. तो ट्रक ज्ञानपुरी गोस्वामी (रा. सनावत, मध्यप्रदेश) यांच्या मालकीचा असल्याचे निष्पन्न झाले.

ठळक मुद्देपोलीस, कृषी विभागाची कारवाई : निकृष्ट खत विक्रीचा गोरखधंदा

लोकमत न्यूज नेटवर्कआसेगाव पूर्णा : अमरावती परतवाडा महामार्गावरील आसेगावपूर्णा स्थित एका घरातून बनावट खताची पोती जप्त करण्यात आली. पोलीस व कृषी विभागाने रविवारी रात्री ही कारवाई केली. एमपी ०९/एचजी ६९६२ या क्रमांकाच्या ट्रकची झडती घेतल्यानंतर धाडीदरम्यान आसेगावातच बनावट खत निर्मितीचा प्रकार उघड झाला.मध्यप्रदेशातील देवास येथील बालाजी फॉस्पेट या कंपनीतून ते खत आणल्याची माहिती ट्रकचालक कैलास उजवारे (३५, रा. गुजरखेडी, जि. खंडवा) याने दिली. मात्र, त्याच्याकडे आवश्यक कागदपत्र नसल्याने तो ट्रक पोलीस ठाण्यात नेण्यात आला. तो ट्रक ज्ञानपुरी गोस्वामी (रा. सनावत, मध्यप्रदेश) यांच्या मालकीचा असल्याचे निष्पन्न झाले. त्या ट्रकमधून सुपर फॉस्पेट या खताची वाहतूक होत होती. दरम्यान ट्रकजप्तीनंतर आसेगाव पोलिसांनी लगेच गुणवत्ता नियंत्रण व निरीक्षक तथा कृषी अधिकाऱ्यांना माहिती दिली. त्यानुसार गुणवत्ता नियंत्रण व निरीक्षक, कृषी अधिकारी व पोलिसांनी संयुक्तरीत्या येथील अमित ऊर्फ तुषार ढोरे यांच्या राहत्या घरी धाड टाकून चौकशी करण्यात आली. त्यांना तेथे हलक्या प्रतीचे सिंगल्स सुपर फॉस्पेट दाणेदार रासायनिक खत ईफको कंपनीच्या बॅगसारख्या छापलेल्या १०:२६:२६ या रासायनिक खताच्या बॅगमध्ये कमी दर्जाचे सुपर फॉस्पेट भरले जात असल्याची शक्यता वर्तविण्यात आली. ही बनावट बॅग २०० रुपये, तर १०:२६: २६ चे दर १३३५ रुपये प्रतिबॅग आहे. खर्च वजा जाता प्रतिबॅग एक हजार रुपये कमावण्याचा गोरखधंदा येथे सुरू असल्याचे विभागीय गणनियंत्रण व निरीक्षक अनंत मस्करे यांनी सांगितले.गुणनियंत्रण विभागाच्या चमूने उपलब्ध खतांचे नमुने घेतले. घटनास्थळाचा पंचनामा केला. घटनास्थळाहून सुपर फॉस्पेटच्या ४०० व १०:२६:२६ च्या रिकाम्या व भरलेल्या ३८६ थैल्या तसेच पोते शिवणारी मशीन जप्त केली.विभागीय गुण नियंत्रण व निरीक्षक विभागाचे अनंत मस्कर, कृषि विकास अधिकारी कुरबान तडवी, दादासो पवार, उईके, चांदूरबाजार पंचायत समितीचे कृषि अधिकारी नारायण आमझरे तालुका कृषी अधिकारी योगेंद्र संगेकर यांनी ही कारवाई केली. सदर प्रकरणात गुणवत्ता निरीक्षण व नियंत्रण व खत नियंत्रण आदेश १९८५ च्या कलम १९ अ, १९ क, २१, ८ व ९ आणि अत्यावश्यक वस्तू कायदा १९५५ च्या कलम ३ तसेच भादंविच्या कलम ४२० नुसार गुन्हा नोंदविण्यात आला. पुढील तपास आसेगावपूर्णाचे ठाणेदार किशोर तावडे व त्यांचे सहकारी करीत आहेत.