श्रावण सोहळा सोबत कॉमेडीचा मेळा

श्रावण महिना म्हणजे सणवार व्रतवैकल्याचा पवित्र महिना. कुमारीकेपासून तर सुवासीनींच्या आवडीचा, तसेच ...

अमरावती : श्रावण महिना म्हणजे सणवार व्रतवैकल्याचा पवित्र महिना. कुमारीकेपासून तर सुवासीनींच्या आवडीचा, तसेच नवविवाहितेपासून तर माहेरवासीयांच्या मनात कायम पिंगा घालणारा हा महिना उत्साह आणि पावित्र्याचा सुरेख मेळ घडवून आणणारा आहे. मंगळागौर, गौरी गणपती, श्रावण सोमवार, नागपंचमी आदी सणांची तयारी घराघरात मांगल्य घेऊन येते. अशातच या उत्साहाला उधाण आणण्यासाठी खास श्रावण सोहळ्याचे आयोजन दि. २१.८.२०१५ रोजी संत ज्ञानेश्वर सांस्कृतिक भवन, मोर्शी रोड, अमरावती, वेळ ११ ते ४ सखी मंच सदस्यांसाठी करण्यात आले आहे. कलर्स व लोकमत सखी मंच प्रस्तुत श्रावण सोहळा सोबत कॉमेडीचा मेळा असा हा कार्यक्रम सहप्रस्तुतकर्ता मेडिमिक्स असून इन्शुरन्स पार्टनर म्हणून बिर्ला सन लाईफ इन्शुरन्स यांचे सौजन्य लाभले आहे.अतिशय वैशिष्ट्यपूर्ण उद्देश असलेल्या या कार्यक्रमात तशाच वैशिष्ट्यपूर्ण स्पर्धांचे आयोजन करण्यात आले आहे. ज्यात सखींसाठी उखाणे स्पर्धा (यात विनोदी उखाणा घ्यावयाचा आहे), ईन्होवेटीव्ह मेडिमिक्स हर्बल फॅशन शो (फक्त हर्बल साधनांचा वापर करून वेशभूषा करावी. जसे पाने, फुले, फळे, वनस्पती), राखी थाळी सजावट (यात राखी थाळी घरून तयार व सजवून आणायची), मेहंदी स्पर्धा (कोन आणि मॉडल सोबत आणायचे). रांगोळी स्पर्धा, वन मिनिट गेम शो अशा स्पर्धा आणि उपस्थितांसाठी खास मंगळागौर खेळांचे सादरीकरण आयोजित करण्यात आले आहे. कलर्स चॅनलवर येत्या ५ सप्टेंबरपासून प्रत्येक शनिवारी रात्री १० वाजता प्रसारीत होणारा धमाल कॉमेडी शो म्हणजे ‘‘कॉमेडी नाईटस् बचाओ’’ या तुफान विनोदी कार्यक्रमाला साजेसा हा श्रावण सोहळासुद्धा तसाच परंपरेला अनुसरून गंमतजंमत आणि खेळीमेळीच्या वातावरणात, हास्य रंगात साजरा करायचा आहे. यातील बेस्ट विनोदि उखाणा सादरकरणाऱ्या सखींना गिफ्टस् दिले जातील.कलर्स चॅनेलवर प्रसारीत होणाऱ्या या ‘‘कॉमेडी नाईटस् बचाओ’’ या कार्यक्रमाचे वैशिष्ट्य म्हणजे कॉमेडीयनच्या ५ जोड्या म्हणजे १० कलाकार मिळून समोर बसलेल्या प्रेक्षकांना आपल्या भन्नाट, कल्पकतेच्या जोरावर विनोदाच्या कळसावर नेऊन ठेवणार आहेत ज्यात एकमेकांच्या काही मनोरंजक, व्यक्तिगत, व्यावसायिक क्षेत्राबद्दल कॉमेडी पंचेस आणि तुफान विनोदी गरमागरम चुटकुले त्यांच्यावर त्यांच्यासमक्ष सादर करणार आहे. एकूणच काय तर या १० कॉमेडीयनच्या कलेतून साकारणारी कॉमेडी प्रेक्षकांना निखळ आनंद देऊन जाणार आहे. आसू आणि हसू यांचे मिश्रण या शो ला बघणाऱ्या सर्वांच्या डोळ्यात दिसणार आहे. मेडिमिक्स इनोव्हेटिव्ह हर्बल फॅशन शो मध्ये विजेत्या सखींना प्रथम बक्षीस- मेडिमिक्स क्वीन २०१५ या पुरस्काराने तर द्वितीय विजेतीला- मेडिमिक्स फ्रेश फेस २०१५ तर तृतीय विजेतीला मेडिमिक्स हेल्दी स्कीन २०१५ असा बहुमान मिळणार आहे. इन्शुरन्स पार्टनर म्हणून ज्यांनी या सोहळ्याला योगदान दिले आहे त्या बिर्ला सन लाईफ इन्शुरन्स यांचे तर्फे ‘‘महिलांचे आर्थिक सशक्तीकरण’’ या विषयावर विशेष मार्गदर्शन आणि सादरीकरण करण्यात येईल. सर्व स्पर्धांची नोंदणी कार्यालयात येऊन करावी लागेल. अधिक माहितीकरिता संपर्क ९८५०३०४०८७, ८९५६५४४४४८ यांच्याशी साधावा. (प्रतिनिधी)