अमरावती : ती दररोज वेळेवर कॉलेजसाठी निघायची अन् वेळेवर घरीही यायची; पण एकदा आपल्या या ज्युनिअर कॉलेजियन मुलीच्या कॉलेजमधून पालकांना फोन आला. ते प्राध्यापकाला सामोरे गेले. तेव्हा दोन महिन्यांपासून मुलगी कॉलेजला येतच नसल्याचे त्यांनी सांगितले. तर एका तरुणाने तिला दोन महिने कॉलेजमध्ये जाण्यास रोखले व तो तिला लगतच्या चहा टपरीवर फिरवत असल्याची बाब समोर आली.
बडनेरा पोलिसांनी २५ मार्चला सायंकाळी आरोपी राज अशोक खंडारे (१९, रा. विलासनगर, गल्ली क्रमांक ३) याच्याविरोधात विनयभंग व पोक्सो अन्वये गुन्हा दाखल केला. तक्रारीनुसार मुलीची राजसोबत सोशल मीडियातून ओळख झाली. त्यांच्यात प्रेमसंबंध बहरले. पुढे त्याने तिची अडवणूक सुरू केली. तिला मारून टाकेन किंवा स्वत:च्या जिवाचे कमी-जास्त करेल, अशी धमकी दिल्याचे मुलीने तक्रारीत म्हटले आहे.