अमरावती : एका ६९ वर्षीय वृध्दाचा आकस्मिक मृत्यू झाल्याची घटना रविवारी केडीयानगरात उघडकीस आली. अशोक नामदेव ढोले (६९ रा. केडीयानगर) असे मृताचे नाव आहे. अशोक ढोले यांची प्रकृती बिघडताच त्यांना मुलगा रोहित तत्काळ जिल्हा सामान्य रुग्णालयात घेऊन गेला. डॉक्टरांनी त्यांना मृत घोषित केले. या प्रकरणात राजापेठ पोलिसांनी आकस्मिक मृत्यूची नोंद केली.
0000000000000000000000
बडनेरातून अल्पवयीन मुलीचे अपहरण
अमरावती : बडनेरा हद्दीतून एका अल्पवयीन मुलीला फूस लावून पळवून नेण्यात आले. ही घटना शनिवारी उघडकीस आली. कुटुंबीय मध्यरात्री झोपेतून उठल्यानंतर त्यांना घरात मुलगी दिसली नाही. त्यांनी तिचा सर्वत्र शोध घेतला. परंतु, ती मिळाली नाही. त्यामुळे तिला कुणीतरी पळवून नेल्याची शंका कुटुंबीयांना आली. या घटनेच्या तक्रारीवरून बडनेरा पोलिसांनी अज्ञाताविरुध्द गुन्हा नोंदविला.
000000000000000000000
चाकूने हल्ला, मारण्याची धमकी
अमरावती : मुलांच्या खेळण्याच्या वादातून एका इसमावर चाकूने हल्ला करून त्यांना व त्यांच्या पत्नीला मारण्याची धमकी देण्यात आली. ही घटना रहाटगाव स्थित डेबुजीनगरात रविवारी उघडकीस आली. पंकज दिलीप हिवराळे (३४ रा. डेबुजीनगर) यांच्या तक्रारीवरून नांदगाव पेठ पोलिसांनी साहेबराव लालाजी वानखडे, सुनील साहेबराव वानखडे व एका महिलेविरुध्द गुन्हा नोंदविला.
0000000000000000000
ब्लेड मारल्याने तरुण जखमी
अमरावती : शिवीगाळ करणाऱ्याला थापड लगावल्याने एका तरुणाला ब्लेड मारून जखमी केल्याची घटना १५ मे रोजी रात्री गजानननगरात घडली. करण दीपक कोडके (२३ रा. गजानननगर) याच्या तक्रारीवरून फ्रेजरपुरा पोलिसांनी मिलिंद ओगले (रा. गजानननगर)विरुध्द गुन्हा नोंदविला. या घटनेचा प्राथमिक तपास एएसआय बापूराव खंडारे यांनी केला.