अमरावती : नागरिकांना आरटीओच्या कामाकरिता कार्यालयात चकरा मारू नये, याकरिता नागरिकांनी आधार क्रमांकाचा वापर करून फेसलेस पद्धतीने परिवहन विभागाकडून आरटीओ सेवा देण्यात येत असून याचा लाभ घेण्याचे आव्हान प्रादेशिक परिवहन अधिकारी राजाभाऊ गित्ते यांनी केले आहे. केंद्र शासनाच्या १६ सप्टेंबर २०२२ रोजी च्या अधिसूचनामध्ये ५८ सेवा आधार क्रमांकचा वापर करून फेसलेस पद्धतीने देणेबाबत अधिसूचित केले आहे.
परिवहन विभागाने आतापर्यंत ३० सेवा फेसलेस केल्या आहे. नवीन पद्धतीनुसार अर्जदार ऑनलाइन पद्धतीने अर्ज करताना आधार क्रमांकाची नोंदणी या प्रणालीवर करणार आहे. आधार क्रमांक वरील मोबाईल नंबरवर ओटीपी जाणार असून ओटीपीची नोंदणी केल्यानंतर वाहन मालकाचे नाव व कार्यालय अभिलेखा वरील नाव याची खातरजमा होणार आहे. अर्जदारामार्फत वाहनाचे कामासंबंधी इतर कागदपत्रे अपलोड करावी लागणार आहे. आधार क्रमांकाचा वापर करून अर्ज केल्यास अर्जदारास कार्यालयात इतर कागदपत्रे जमा करण्यासाठी येण्याची आवश्यकता नाही.या सेवा झाल्या फेसलेस -
१)नोंदणी पुस्तिकेमध्ये पत्ता बदल२) दुय्यम नोंदणी पुस्तिका देणे,३) भाडे खरेदी करा रद्द करणे४) दुय्यम फिटनेस५) ना हरकत प्रमाणपत्र६) वाहनाचे विवरण पत्र७) मालकी हस्तांतरण करणे८) परवाना हस्तांतरण९) परवाना हस्तांतरण(परवानाधारकांच्या मृत्यूनंतर ),१०) परवाना रद्द करणे११) दुय्यम परवाना देणे१२) तात्पुरता परवाना१३) विशेष परवाना१४) परवाना जमा करणे१५) परवाना कायमस्वरूपी जमा करणे१६) परवाना नूतनीकरण१७) शिकाऊ अनुज्ञप्ती देणे१८) अनुज्ञप्ती वरील पत्ता बदलविणे१९) अनुज्ञप्तीचे नूतनीकरण करणे२०) अनुज्ञप्तीत बदल करणे२१) अनुज्ञप्तीचे विवरणपत्र२२) अनुज्ञप्ती वरील एखादे लायसन रद्द करणे२३) कंडक्टर लायसनमध्ये पत्ता बदल करणे२४) दुय्यम शिकाऊ अनुज्ञप्ती देणे२५) दुय्यम अनुज्ञप्ती देणे२६) अनुज्ञप्तीवरील पत्ता बदल२७) उत्तेजनात्मक माल वाहून नेण्याचे अनुज्ञप्तीत नोंद करणे२८) अनुज्ञप्ती वरील बायोमेट्रिक मध्ये बदल करणे२९) कंडक्टर लायसन नूतनीकरण३०) दुय्यम कंडक्टर लायसन------------------------------------या वेबसाईटवर जा अन्‌ लाभ घ्याSarathi.parivahan.gov.inVahan.parivahan.gov.in